နယ်စပ်မျဉ်းမှာနေထိုင်သူတွေကို ဘင်္ဂလားဒေ့ရှ် ထောက်ပံ့ မှု နှစ်နိုင်ငံသဘောတူညီချက်ကို မချိုးဖောက်

မြန်မာနဲ့ ဘင်္ဂလားဒေ့ရှ် နှစ်နိုင်ငံနယ်စပ်မျဉ်းမှာ နေထိုင်နေတဲ့ ဒုက္ခသည်တွေကို ဘင်္ဂလားဒေ့ရှ်အစိုးရက အကူအညီတွေ ထောက်ပံ့ပေးခဲ့တယ်ဆိုတာဟာ နှစ်နိုင်ငံသဘောတူညီချက်ကို ချိုးဖောက်ရာမရောက်ကြောင်း UEHRD ဒုဥက္ကဌ ပြည်ထောင်စုဝန်ကြီး ဒေါက်တာဝင်းမြတ်အေး ကပြောပါတယ်။

ဘင်္ဂလားဒေ့ရှ်အစိုးရက ဒုက္ခသည်တွေကို အကူအညီထောက်ပံ့ပေးနေတာဟာ သဘောတူညီချက်ကို ချိုးဖောက်ရာ ရောက်ပါသလားလို့ RFA က ဆက်သွယ်မေးမြန်းရာမှာ ဝန်ကြီးဒေါက်တာဝင်းမြတ်အေး က အခုလိုပြောလိုက်တာ ဖြစ်ပါတယ်။

သြဂုတ်လ ဒုတိယအပတ်မှာ ဘင်္ဂလားဒေ့ရှ် နိုင်ငံခြားရေးဝန်ကြီး မာမွတ်အလီဟာ မြန်မာနိုင်ငံကို လာရောက်ခဲ့ပြီး နယ်စပ်မျဉ်းမှာ နေထိုင်နေကြသူတွေကိုလည်း သွားရောက်တွေ့ဆုံခဲ့ပါတယ်။

ဘင်္ဂလားဒေ့ရှ် နိုင်ငံခြားရေးဝန်ကြီးရဲ့ ခရီးစဉ်အတွင်း နယ်စပ်မျဉ်းမှာ နေထိုင်နေကြတဲ့ ဒုက္ခသည်တွေ ပြန်လည်နေ ရာချထားရေးလုပ်ငန်းတွေကို အကောင်အထည်ဖော်ဖို့ ဆောင်ရွက်မယ့်အချက် တစ်ခုအဖြစ် အဲဒီဒုက္ခသည်တွေ ကို နိုင်ငံတကာ ကြက်ခြေနီအဖွဲ့ ICRC နဲ့ပူးပေါင်းပြီး မြန်မာအစိုးရဘက်ကသာ အကူအညီပေးဖို့ သဘောတူ ခဲ့ကြတာ ဖြစ်ပါတယ်။

အမေရိကန်ပြည်ထောင်စုအခြေစိုက် ဘီနာသတင်းဌာနက မနေ့က ထုတ်ပြန်တဲ့သတင်းမှာ နှစ်နိုင်ငံနယ်စပ်မျဉ်း မှာ နေထိုင်ကြသူတွေကို အစားအစာနဲ့ အကူအညီထောက်ပံ့မပေးဖို့ မြန်မာအစိုးရက ပြောထားတာကို ဘင်္ဂလားဒေ့ရှ်အစိုးရက ဥပက္ခာပြုပြီး ထောက်ပံ့နေတယ်လို့ ဖော်ပြထားပါတယ်။