ခရိုင်ရဲအရာရှိရဲ့ အမိန့်နဲ့ ပိတ်ပင်လိုက်တာ ဖြစ်ပြီး အခုလို ဘုရားမှာ ဝတ်ပြုဆုတောင်းမယ့် သူတွေကို တားဆီးပိတ်ပင်တဲ့ လုပ်ရပ်ဟာ လူ့အခွင့်အရေး ချိုးဖောက်တာ ဖြစ်တယ်လို့ ဒီဝတ်ပြု ဆုတောင်းပွဲကို ဦးဆောင်တဲ့ ရွာသားတစ်ဦးက RFA ကို ပြောပါတယ်။
ဝက်မှေးရွာနဲ့ ရွှေလှေရွာက ရွာသားတွေဟာ မနက် (၉) နာရီလောက်က ရွာက စထွက်ပြီး ညောင်ပင်ကြီး ဆိပ်ကမ်း အရောက်မှာ တားဆီး ခံရတာဖြစ်ပြီး ရွာသားတွေအနေနဲ့ ညနေပိုင်းအထိ ရွာကိုမပြန်ကြဘဲ အဲဒီမြစ်ဆိပ်ကနေ ဆုတောင်းပြည့်ဘုရားရှိတဲ့ မြစ်တဖက်ကမ်းကို ဖြတ်ကူးခွင့် မပြုမချင်း ထိုင်စောင့်နေကြတယ်လို့ သိရပါတယ်။