မွန်၊ ဧရာဝတီနဲ့ စစ်ကိုင်းမှာ တရားမဝင်သစ်တွေ ရှာဖွေဖမ်းဆီး ဖို့ သစ်တောဦးစီးဌာန ညွှန်ကြား

ရန်ုကုန်တိုင်းဒေသကြီးမှာ တရားမဝင်သစ်တွေ လိုက်လံဖမ်းဆီးတာတွေပြုလုပ်ပြီးနောက်ပိုင်း ပင်လယ်ထွက်ပေါက် ရှိတဲ့ နေရာတွေကို ရွှေ့ပြောင်းတာတွေ ပြုလုပ်လာတဲ့အတွက် မွန်ပြည်နယ်နဲ့ ဧရာဝတီတိုင်း၊ စစ်ကိုင်းတိုင်းတို့မှာ ရှာဖွေဖမ်းဆီးတာတွေပြုလုပ်ဖို့ သစ်တောဦးစီးဌာနက ညွှန်ကြားထားတယ်လို့ မွန်ပြည်နယ် သစ်တောဦးစီးဌာ ညွှန်ကြားရေးမှူး က ပြောပါတယ်။

ပြီးခဲ့တဲ့ရက်ပိုင်းက ရန်ကုန်မှာ သစ်တန်ချိန် ၁၅၀၀လောက် ဖမ်းမိပြီးနောက်ပိုင်း သစ်တောဦးစီးဌာနက ညွှန်ကြားထားတာဖြစ်တယ်လို့ မွန်ပြည်နယ် သစ်တောဦးစီးဌာန ညွှန်ကြားရေးမှူး ဦးမင်းသိန်းမြင့် က ဒီနေ့ သတင်းစာရှင်းလင်းပွဲမှာ ပြောပါတယ်။

"ရန်ကုန်မှာ ကွန်တိန်နာတလုံးကနေ အစပြုပြီးတော့ အဲဒီမှာ သတင်းစုံစမ်းဖော်ထုတ်ရင်းနဲ့ စုစုပေါင်း ရန်ကုန်မှာ ပိတောက်ရယ်၊ ကျွန်းရယ် အပါအဝင် တန်ချိန် ၁၅ဝဝ လောက်ကို တပတ် ၁ဝ ရက်မှာ တောက်လျှောက်ကို မိပါတယ်"