ရတနာရှင်ကုမ္ပဏီ ကျောက်တွင်း ပြိုကျမှု အလုပ်သမား ၆ ဦး သေဆုံး

"ရတနာရှင် ကျောက်မျက်ကုမ္ပဏီပေါ့၊ အဲဒီကနေပြီးတော့ အလုပ်သမား ၆ ယောက်ပေါ့ဗျာ၊ ပေ ၈၀၀ လောက်လုပ်တယ်ဆိုရင် ပေ ၂၀၀၊ ၃၀၀ လောက်က ဘေးမှာရှိတဲ့ ကျောက်ချပ်ကပြုတ်ကျပြီးတော့ သူတို့ကိုယ်ပေါ်မှာပိပြီးတော့ ဆုံးသွားတာပေါ့၊ ၂၉ ရက်နေ့ ညနေပိုင်း ၆ နာရီ လောက်ကဖြစ်တာ ခင်ဗျ၊ ညပိုင်းအထိကတော့ ၃ ယောက်လောက်တွေ့တယ်ပေါ့၊ ၃၀ ရက်နေ့ညပိုင်းကျတော့ ထပ်ရှာကြတာ ၇ နာရီ အထိလောက်ကျတော့ ၅ လောင်းရတယ်ပေါ့၊ နောက်ဆုံးတစ်ယောက်ကျတော့ ၃၀ ရက်နေ့ ၁ နာရီ ခွဲလောက်ကျမှရတယ်"

ကျောက်တွင်း အလုပ်သမား ၆ ဦး သေဆုံးတာနဲ့ ပတ်သက်ပြီး မိုးကုတ်မြို့နယ် ရဲစခန်းမှာ သေမှုသေခင်းနဲ့ ဖွင့်ထားပါတယ်။

အဲဒီကျောက်တွင်းပြိုကျမှုဖြစ်ပွားခဲ့တဲ့ လုပ်ငန်းခွင်နေရာကို ယာယီရပ်ဆိုင်းထားပါတယ်။

သေဆုံးသူတွေဟာ မိုးကုတ်မြို့ခံတွေ မဟုတ်ဘဲ စစ်ကိုင်းတိုင်းဘက်ကနေ လာရောက်လုပ်ကိုင်သူတွေဖြစ်တယ် လို့ သိရပါတယ်။

သေဆုံးသူတွေနဲ့ပတ်သက်ပြီး အလုပ်သမားအခွင့်အရေးတွေ အပြည့်အဝရရှိဖို့အတွက် ညှိနှိုင်းဆောင်ရွက်ပေး သွားမှာ ဖြစ်တယ်လို့လည်း ဦးကံထူး က ပြောပါတယ်။