မန္တလေးက ဗိုလ်ချုပ်အောင်ဆန်း မွေးနေ့ အထိမ်းအမှတ် သွေးလှူဒါန်းပွဲ ကျင်းပ

ဖေဖေါ်ဝါရီလ ၁၃ ရက် ဒီကနေ့မှာ ကျရောက်တဲ့ ဗိုလ်ချုပ်အောင်ဆန်းရဲ့ ၉၈ နှစ်ပြည့် မွေးနေ့အထိမ်းအမှတ် အဖြစ် ဗိုလ်ချုပ်နဲ့ ပတ်သက်တဲ့ ကဗျာ၊ သီချင်းပြိုင်ပွဲကို မန္တလေးမြို့မှာရှိတဲ့ မြင့်မြတ်ဧရာဝတီ လူငယ်လူမှုကွန်ရက်အဖွဲ့ကနေ ဦးဆောင်ပြီး ဒီကနေ့ မနက်ပိုင်းက ကျင်းပခဲ့ပါတယ်။

2013.02.13
mdy_bogyoke_birthday_305.jpg မန္တလေးမြို့၊ မဟာအောင်မြေမြို့နယ်၊ မစိုးရိမ်ကျောင်းတိုက်မှာ ကျင်းပခဲ့တဲ့ ၉၈ နှစ်ပြည့် ဗိုလ်ချုပ်အောင်ဆန်းမွေးနေ့ပွဲ မှာ တွေ့ရသော ကလေးငယ်များပုံ
Photo: RFA

အဲဒီ့အခမ်းအနားကို ကျောင်းသားတွေနဲ့ ကလေးငယ်တွေ ပါဝင်ယှဉ်ပြိုင်ကြပြီး မဟာအောင်မြေမြို့နယ်မှာရှိတဲ့ မစိုးရိမ်ကျောင်းတိုက်မှာ ကျင်းပခဲ့တာပါ။

အခုလို ပြိုင်ပွဲကျင်းပရတာဟာ ကလေးငယ်တွေမှာ ဗိုလ်ချုပ်လို စိတ်ဓါတ်တွေရှိလာပြီး ထူးချွန်လာဖို့အတွက် ပြုလုပ်တာလို့ မြင့်မြတ်ဧရာဝတီ လူငယ်လူမှုကွန်ရက် နာယက ဆရာတော် ဦးတေဇောဘာသက RFA ကို မိန့်ကြားပါတယ်။

တချိန်တည်းမှာပဲ ဗိုလ်ချုပ်မွေးနေ့ အထိမ်းအမှတ်အဖြစ် မန္တလေးမြို့က သံဃာတော်တွေ၊ ရန်ကုန်နာရေးကူညီမှုအသင်း ဥက္ကဌ ဦးကျော်သူ အပါအဝင် လူပုဂ္ဂိုလ် ၁၀၀ ကျော်ခန့်ဟာ သွေးလှူဒါန်းပွဲ ကျင်းပခဲ့ပါတယ်။

ဒီကနေ့ မန္တလေးမြို့မှာကျင်းပတဲ့ ဗိုလ်ချုပ်မွေးနေ့ပွဲနဲ့ ငွေကြေးလှူဒါန်းပွဲ အကြောင်းတွေကို RFA ဝိုင်းတော်သား ဦးဘအောင် စုစည်းတင်ပြထားပါတယ်။

အသံဖိုင်နားထောင်ရန်
အသံဖိုင်ယူရန်။
ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။