မန္တလေးတိုင်းအတွင်း ငလျင်ကြောင့် ၇၀၀ နီးပါးသေဆုံး
2025.03.29
မန္တလေးမြို့ပေါ်က ငလျင်ကြောင့် ပြိုကျပျက်စီးနေသော အဆောက်အအုံများအား မတ်လ၂၈ရက်က တွေ့ရစဉ်။ Photo: Kyaw Gyi (MDY)
FB
မန္တလေးတိုင်းအတွင်း မတ်လ ၂၈ ရက်က လှုပ်ခတ်ခဲ့တဲ့ ငလျင်ကြောင့် သေဆုံးသူ ၆၉၄ ဦး ရှိသွားပြီလို့ စစ်ကောင်စီက မတ်လ၂၉ ရက် မနက်ပိုင်းမှာ နိုင်ငံပိုင် MRTVသတင်းဌာနကတဆင့် သတင်း ထုတ်ပြန်ပါတယ်။
ဒဏ်ရာရရှိသူ ၁၆၇၀ ဦးရှိပြီး ပျောက်ဆုံးနေသူ ၆၈ ဦးရှိတယ်လို့လည်း ဆိုပါတယ်။
မန္တလေးမြို့ အရှေ့မြောက်ဘက် ၁၂ မိုင်အကွာကို ဗဟိုပြုပြီး မတ်လ ၂၈ ရက်က ပြင်းအား ၇ ဒသမ ၇ ရှိတဲ့ မြေငလျင် လှုပ်ခတ်ခဲ့ပါတယ်။
ငလျင်ကြောင့် ထိခိုက်ပျက်စီးမှုများတဲ့ မန္တလေးတိုင်း၊ စစ်ကိုင်းတိုင်း၊ မကွေးတိုင်း၊ ပဲခူးတိုင်း၊ ရှမ်းပြည်နယ် အရှေ့မြောက်ပိုင်းနဲ့ နေပြည်တော်ကောင်စီနယ်မြေတွေကို စစ်ကောင်စီရဲ့ အမျိုးသားသဘာ၀ဘေး အန္တရာယ်ဆိုင်ရာ စီမံခန့်ခွဲမှုကော်မတီက အရေးပေါ်အခြေအနေ ကြေညာထားပါတယ်။
လက်ရှိမှာ နိုင်ငံတကာအကူအညီတွေကို စစ်ကောင်စီကတောင်းခံထားပြီး ရုရှား နဲ့ တရုတ်နိုင်ငံကလည်း ကယ်ဆယ်ရေးအဖွဲ့တွေစေလွှတ်ထားပါတယ်။
ဒါ့အပြင် ကုလသမဂ္ဂ၊ ဥရောပသမဂ္ဂ၊ အာဆီယံ နဲ့ အမေရိကန်၊ အိန္ဒိယ၊ တရုတ်နိုင်ငံ တို့ကလည်း လူသားချင်းစာနာမှုအကူအညီတွေပေးမယ်လို့ ကြေညာထားပါတယ်။
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- မြန်မာမှာ အကြမ်းဖက်မှု ချက်ချင်းရပ်ဖို့ စစ်ကောင်စီကို အမေရိကန် တောင်းဆို
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
ဖတ်ရှုသူအများဆုံး သတင်းများ။
သတင်းများ
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- ရေစကြိုမြို့နယ် ဗလဘရွာလုံးကျွတ် မီးရှို့ဖျက်ဆီးခံရ