လက်ပံတောင်းတောင် ကြေးနီစီမံကိန်းကို ဆန္ဒပြနေကြတဲ့ ဒေသခံတွေထဲက ၂ ဦးကို ဆားလင်းကြီးမြို့နယ် ရဲစခန်းက ပုဒ်မ ၁၈ ငြိမ်းချမ်းစွာစုဝေးခွင့်နဲ့ အကျိုးဖျက်ဆီးမှု ပုဒ်မ ၁၄၇ တို့နဲ့ ဒီကနေ့ အမှုဖွင့်လိုက်ပါတယ်။
ဒေသခံ မစန္ဒာနဲ့ မမာချို တို့ကို အမှုဖွင့်ထားတာဖြစ်တယ်လို့ ဆားလင်းကြီးမြို့မ ရဲစခန်းက တပ်ကြပ်ကြီး သန်းညွှန့်က ပြောပါတယ်။
ဒီကနေ့ ဒေသခံတွေက ဆက်လက်ဆန္ဒပြကြရာမှာ လုံခြုံရေးတပ်ဖွဲ့ဝင်တွေနဲ့ ရုန်းရင်းဆန်ခတ် ဖြစ်ခဲ့ပါတယ်။
မေလ ၄ ရက်နေ့ကစတင်ပြီး ဒေသခံ ၁ဝဝ ကျော်က နေ့စဉ် ဝမ်ပေါင်ကုမ္ပဏီရုံးရှေ့ကို သွားရောက် ဆန္ဒပြနေကြတာဟာ ဒီနေ့နဲ့ဆိုရင် ၃ ရက်မြောက်ရှိပြီဖြစ်ပါတယ်။