ကိုကိုကြီး လွတ်လပ်မှု ချီတက်ပွဲ ပါဝင်ဆင်နွဲှ

၈၈ မျိုးဆက်ကျောင်းသားခေါင်းဆောင် ကိုကိုကြီးဟာ ပြင်သစ်နိုင်ငံ ပါရီမြို့ကို ဒီနေ့ရောက်သွားပြီး၊ အဲဒီမှာ ဒီနေ့ကျင်းပတဲ့ 5th International March for Freedom လွတ်မြောက်ရေး အတွက်ချီတက်ပွဲ လှုပ်ရှားမှုမှာ ပူးပေါင်းပါဝင်ခဲ့ပါတယ်။

၈၈ မျိုးဆက်ကျောင်းသားခေါင်းဆောင် ကိုကိုကြီး RFA

အဲဒီပွဲမှာ ကိုကိုကြီးက - လွတ်မြောက်ရေးကြိုးပမ်းနေသူတွေအတွက် ကမ္ဘာ့ပြည်သူတွေက ဝိုင်းဝန်းကူညီဖို့လိုတဲ့အကြောင်းပြောမှာဖြစ်တယ်လို့ ပွဲမစခင်မှာ ကိုကိုကြီးက RFA ကို ပြောပါတယ်။

ချက်ရီပတ်ပလစ်နိုင်ငံက People in Need အဖွဲ့ရဲ့ဖိတ်ကြားချက်အရ ချက်နဲ့ ပြင်သစ်နိုင်ငံအပါအဝင် ဥရောပနိုင်ငံတချို့ကို ခရီးထွက်လာတဲ့ ကိုကိုကြီးဟာ ဥရောပခရီးအတွက် ပထမဦးဆုံး ပြင်သစ်ကို ရောက်လာတာပါ။ ပြင်သစ်မရောက်ခင်မှာတော့ ထိုင်းနိုင်ငံ ဘန်ကောက်မြို့မှာ ၂ ရက်လောက် လေ့လာခဲ့ပါတယ်။

ကိုကိုကြီးဟာ ပြင်သစ်နိုင်ငံခြားရေးဝန်ကြီးဌါနတာဝန်ရှိပုဂ္ဂိုလ်တွေနဲ့တွေ့ဆုံဖို့ရှိသလို၊ ဥရောပရောက် မြန်မာအသိုင်းအဝိုင်းနဲ့လဲတွေ့ဆုံဖို့ရှိပါတယ်။ ၁၉၈၈ ခုနှစ် ဒီမိုကရေစီ အရေးတော်ပုံနောက်ပိုင်း ထောင်ထဲမှာနှစ်ပေါင်းများစွာနေခဲ့ရတဲ့ ၈၈ မျိုးဆက်ကျောင်းသားခေါင်းဆောင်တွေဟာ မကြာသေးခင်ကမှ နိုင်ငံကူးလက်မှတ်တွေရရှိပြီး၊ အခု ကိုကိုကြီး ပြည်ပနိုင်ငံကိုထွက်လာတာဟာ ပထမဆုံးဖြစ်ပါတယ်။

 

2025 M Street NW
Washington, DC 20036
+1 (202) 530-4900
burweb@rfa.org