UPWC, NCCT အဖွဲ့ဝင်များ တပ်နေရာချထားရေး ဆွေးနွေး
ပြည်ထောင်စုငြိမ်းချမ်းရေးဖော်ဆောင်ရေး လုပ်ငန်းကော်မတီ UPWC နဲ့ ကရင်နီ အမျိုးသားတိုးတက်ရေးပါတီ KNPP တို့ဟာ ကယားပြည်နယ်အစိုးရ အဖွဲ့ရုံးမှာ မနေ့က တွေ့ဆုံဆွေးနွေး ခဲ့ကြပြီး နှစ်ဖက်တပ်တွေ နေရာချထားရေးကို ဆွေးနွေးခဲ့ကြပါတယ်။
-
2015-03-29 -
-
-
Your browser doesn’t support HTML5 audio
ပြည်ထောင်စုငြိမ်းချမ်းရေးဖော်ဆောင်ရေး လုပ်ငန်းကော် မတီ UPWC နဲ့ ကရင်နီ အမျိုးသားတိုးတက်ရေးပါတီ KNPP တို့ဟာ ကယားပြည်နယ်အစိုးရ အဖွဲ့ရုံးမှာ မနေ့ က တွေ့ဆုံဆွေးနွေးခဲ့ကြပြီး နှစ်ဖက်တပ်တွေ နေရာချ ထားရေးကို ဆွေးနွေးခဲ့ကြပါတယ်။
လွိုင်ကော်မြို့ ကယားပြည်နယ်အစိုးရုံးရုံးမှာ တွေ့ဆုံခဲ့ကြ တာဖြစ်ပြီး တပ်နေရာချ ထားရေး ကိစ္စတွေ မပြီးပြတ်သေးတဲ့အတွက် မနက်ဖြန် ရန်ကုန်မှာ ကျင်းပ မယ့် NCCT နဲ့ UPWC ဆွေးနွေးပွဲမှာ ဆက် လက်ဆွေးနွေးသွားမယ်လို့ KNPP က ဗဟိုအလုပ် အမှုဆောင် ဦးပလူးရယ်က ပြောပါတယ်။
အဲဒီဆွေးနွေးပွဲမှာ KNPP က တောင်းဆိုတဲ့ ဒေသ ဖွံဖြိုးရေးလုပ်ငန်းတွေကို ပြည်နယ်အစိုးရ ဒါမှမဟုတ် ပြည်ထောင်စုအစိုးရအနေနဲ့ ဖော်ဆောင်ပေးဖို့ အတွက်လည်း ဆွေးနွေးခဲ့တယ်လို့ ပြောပါတယ်။
ပြည်ထောင်စုဝန်ကြီးတွေဖြစ်ကြတဲ့ ဦးအောင်မင်း၊ ဦးစိုးသိမ်း၊ ဦးခင်ရီတို့ ဦးဆောင်တဲ့ UPWC အဖွဲ့နဲ့ KNPP တို့ဟာ မနေ့က ပြည်ထောင်စု အဆင့် လေးကြိမ်မြောက် တွေ့ဆုံခဲ့ကြတာ ဖြစ်ပါတယ်။
KNPP က ဗဟိုအလုပ်အမှုဆောင် ဦးပလူးရယ်ကို RFA သတင်းထောက် မဝေယံမိုးမြင့် က ဆက်သွယ်မေးမြန်း ထားပါတယ်။