ကာမိုင်းရဲစခန်းကို ကေအိုင်အေတပ်ရင်း ၆ က ဝင်ရောက်စီးနင်း
ကချင်ပြည်နယ် မိုးညှင်းခရိုင် ဖားကန့်မြို့နယ် ကာမိုင်းရဲစခန်းကို ဇန်နဝါရီလ ၁၉ရက် ဒီကနေ့ မနက်ပိုင်းက ဝင်ရောက်တိုက်ခိုက်ပြီး မီးရှို့ဖျက်ဆီးလိုက်တာဟာ ကေအိုင်အေ တပ်မဟာ ၂ လက်အောက်ခံ ကေအိုင်အေတပ်ရင်း ၆ က ဖြစ်တယ်လို့ အဲဒီတပ်ရင်း ၆ရဲ့တပ်ရင်းမှူး ဒုတိယဗိုလ်မှူးကြီး အင်ခွန်ဇော်ဒွဲ က RFA ကို အတည်ပြုပြောပါတယ်။
-
2013-01-19 -
-
-
ဒီအဖြစ်အပျက်မှာ ကာမိုင်းမြို့နယ်ခွဲ ရဲစခန်းတစ်ခုလုံး မီးရှို့ဖျက်ဆီးခံလိုက်ရပြီး ရဲဝန်ထမ်းနှစ်ဦး သေဆုံးခဲ့ပြီး နှစ်ဦးက အပြင်းအထန် ဒဏ်ရာရရှိခဲ့တယ်လို့ ကာမိုင်းရဲစခန်းက ရဲဝန်ထမ်းတစ်ဦး က RFA ကို ပြောပါတယ်။
ကေအိုင်အေ တပ်အင်အား ၉၀လောက်ပါတဲ့အဖွဲ့ဟာ ဒီကနေ့ ဝင်ရောက်တိုက်ခိုက်ခဲ့ပြီး ကာမိုင်းမြို့နယ် လျှပ်စစ်ဝန်ထမ်းနှစ်ဦးကိုလည်း ခေါ်ဆောင်သွားတယ်လို့ ဒေသခံတွေက ပြောကြပါတယ်။
အဲဒီ ဝန်ထမ်းနှစ်ဦးနဲ့ ပတ်သက်ပြီး RFA ကအခုထိအတည်ပြုနိုင်ခြင်း မရှိသေးပါဘူး။
ပြီးခဲ့တဲ့နှစ် ဒီဇင်ဘာ ၁၈ရက်နေ့တုန်းကလည်း ကေအိုင်အေ က ကာမိုင်းရဲစခန်းကို ဝင်ရောက်စီးနင်း တိုက်ခိုက်ခဲ့တဲ့အတွက် ရဲဝန်ထမ်းနဲ့ မိသားစုတွေ ထိခိုက်သေဆုံးမှုတွေ ရှိခဲ့တယ်လို့ သိရပါတယ်။
အစိုးရကထုတ်ပြန်တဲ့ ငြိမ်းချမ်းရေးကမ်းလှမ်းတဲ့ ကြေညာချက်အပေါ် ကေအိုင်အေ တပ်ရင်း ၆တပ်ရင်းမှုး ဒုတိယဗိုလ်မှုးကြီး အင်ခွန်ဇော်ဒွဲ ကို RFA သတင်းထောက် မသူဇာ ဆက်သွယ်မေးမြန်းထားတာ နားဆင်နိုင်ပါပြီ။
| အသံဖိုင်နားထောင်ရန် |
|
| အသံဖိုင်ယူရန်။ |