မြိတ် KBZ မှာ လုယက်မှုဖြစ်ပွား


2017.10.24
myeik-kbz-robbery-622.jpg မြိတ်မြို့က ကမ္ဘောဇ မီနီဘဏ် (၁)မှာ အောက်တိုဘာလ ၂၄ ရက်နေ့က ဓါးပြတိုက်နေတာကို တွေ့ရစဉ်
.

တနသာၤရီတိုင်းဒေသကြီး မြိတ်မြို့က ကမ္ဘောဇ မီနီဘဏ် (၁)မှာ ကျပ်သိန်း ၂၇၀ ကျော်ကို လက်နက်ကိုင်ဆောင် ထားသူတစ်ဦးက ဝင်ရောက်လုယက်မှု ဖြစ်ပွားခဲ့ပါတယ်။

CCTV မှတ်တမ်းနဲ့ ရဲစခန်းမှာ အမှုဖွင့်တိုင်ကြားထားတယ်လို့ မြိတ်မြို့ ကမ္ဘောဇဘဏ် အကြီးတန်း အထွေထွေ မန်နေဂျာ ဦးစိုးတင်မောင်ဇော် က ပြောပါတယ်။

"စပြီးဖြစ်ထဲက သက်ဆိုင်ရာရဲစခန်းက မြိတ်ကစခန်းကို အကြောင်းကြားထားတယ်၊ ဖမ်းဆီးရ မိနိုင်ရေး ဆောင်ရွက်နေတယ်၊ မျက်နှာက သိပ်မသဲကွဲဘူး ဆိုင်ကယ်စီးဦးထုပ်ဆောင်းထားတယ် CCTV က အပေါ်ကနေ ရိုက်ထားတာဆိုတော့ မျက်နှာကတော့ မသဲကွဲဘူး"

ဒီနေ့ နေ့လည် ၂ နာရီခန့်ကဖြစ်ပွားခဲ့တာဖြစ်ပြီး ဘဏ်ကောင်တာမှာ ငွေအပ်ဖို့လာရောက်သူဟာ ကောင်တာပေါ် တင်ထားတဲ့ ငွေကျပ်သိန်း ၂၇၀ ကို သေနတ်ပြပြီး လုယူထွက်ပြေးသွားခဲ့တာဖြစ်ပါတယ်။

ဒီနေ့ တစ်ရက်တည်းမှာပဲ ရန်ကုန်မြို့ ဘုရင်နောင် ကမ္ဘောဇဘဏ်ခွဲကနေ  ငွေထုတ်ယူသွားသူတစ်ဦးထံကနေ ကျပ်သိန်း ၁၅၀၀ နီးပါးကို ဘဏ်အပြင်ဘက်မှာ လုယက်ခံရမှု ဖြစ်ပွားခဲ့တယ်လို့ သိရပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။