တောမီးကြောင့် ရွာသား ၃ ဦး သေဆုံး


2019.03.31
kani-fire-622.jpg စစ်ကိုင်းတိုင်းဒေသကြီး၊ ကနီမြို့နယ်၊ မဟူတောင်ပေါ်မှာ ၂ဝ၁၉ ခုနှစ် မတ်လ ၃ဝ ရက်နေ့က တောမီးလောက်ခဲ့တဲ့ နေရာကို တွေ့ရစဉ်
Photo : Tun Tun Win

စစ်ကိုင်းတိုင်းဒေသကြီး၊ ကနီမြို့နယ်၊ မဟူတောင်ပေါ်မှာ မနေ့က တောမီးလောင်မှုကြောင့် အသက်နှစ်ဆယ်ကျော် အရွယ် ရွာသား ၃ ယောက် သေဆုံးခဲ့ပြီး ၃ ယောက် ဒဏ်ရာရရှိခဲ့ပါတယ်။

တောစပ်မှာရှိတဲ့ ပါဟဲမြောက်ရွာက ရွာသား ၆ ယောက်ဟာ တောထဲမှာ မနေ့က သစ်ခွပန်းသွားရှာစဉ် တောမီးလောင်မှုကြောင့် နေရာမှာပင် ၂ ယောက် သေဆုံးခဲ့တာလို့ သိရပါတယ်။

တောမီးကနေ လွတ်မြောက်ခဲ့သူ ၄ ယောက်ထဲက ပြင်းထန်ဒဏ်ရာရထားတဲ့ ၂ ယောက်ကို ကနီဆေးရုံကနေ မုံရွာဆေးရုံကို ဒီနေ့ ပို့ဆောင်စဉ် လမ်းမှာနောက်ထပ်တစ်ယောက် သေဆုံးသွားခဲ့တာလို့ စစ်ကိုင်းတိုင်းဒေသကြီး ကယ်ဆယ်ရေးနဲ့ ပြန်လည်နေရာချထားရေးဦးစီးဌာန ညွှန်ကြားရေးမှူး ဦးစဝီလီဖရန့်စ် က RFA ကို ပြောပါတယ်။

သေဆုံးသွားသူတွေအတွက် တစ်ယောက်ကို ငွေကျပ် ၃ သိန်းနှုန်းနဲ့ ထိခိုက်ဒဏ်ရာရသူတွေအတွက် တစ်ယောက်ကို ၅ သောင်းနှုန်း လူကယ်ပြန်က ထောက်ပံ့ဖို့စီစဉ်နေတယ်လို့လည်း သိရပါတယ်။

ကနီမြို့နယ်မှာ အခုလို တောမီးကြောင့် လူသေဆုံးတာ ဒါပထမဆုံးအကြိမ်ဖြစ်တယ်လို့ သိရပါတယ်။

ဒီသတင်းကို RFA သတင်းထောက် မသီရိမင်းဇင် ပေးပို့တာပါ။

မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။