လွတ်ရက်စေ့ခါနီး ကိုညီညီလွင် ၂၀၁၂ ခုနှစ် အမှု ပြန်စစ်ဆေး

ကိုညီညီလွင် ခေါ် ရွှေဝါရောင်သံဃာ့လှုပ်ရှားမှုခေါင်းဆောင် အရှင်ဂမ္ဘီရ ကို ထိုင်းနိုင်ငံဘက် တရားမဝင် နယ်စပ်ဖြတ်ကျော်ပုဒ်မနဲ့ ထောင်ချလို့လွတ်ရက်စေ့ခါနီးမှာ ၂၀၁၂ ခုနှစ်ကစွဲထားတဲ့အမှု တွေရင်ဆိုင်ဖို့ မန္တလေးကနေ ရန်ကုန်အင်းစိန်ထောင်ကို ပို့လိုက်ပြီး၊ ဒီနေ့မနက်က ဗဟန်းတရားရုံးမှာ ရုံးထုတ်ခဲ့ပါတယ်။

ရွှေဝါရောင်တော်လှန်ရေးကြောင့် စစ်အစိုးရက ချိပ်ပိတ်ထားတဲ့ မဂ္ဂင်ကျောင်း၊ သာသနာ့သိပ္ပံ ကျောင်းနဲ့ သာသနာ့ဂုဏ်ရည်ကျောင်းကို ၂၀၁၂ ခုနှစ် ပြန်လွတ်လာချိန်က တံခါးတွေဖွင့်ခဲ့တဲ့အတွက် အရှင်ဂမ္ဘီရ ကိုတရားစွဲထားတာဖြစ်ပါတယ်။