မြန်မာ့ပဋိပက္ခက နယ်စပ်ဖြတ်ကျော် ရာဇဝတ်မှုတွေဖြစ်ပွားစေကြောင်း ပြောကြား

မြန်မာ့ပဋိပက္ခဟာ နယ်စပ်ဖြတ်ကျော် ရာဇဝတ်မှုတွေဖြစ်ပွားစေတယ်လို့ အင်ဒိုနီးရှား နိုင်ငံခြားရေးဝန်ကြီး မာဆူဒီက အောက်တိုဘာ ၉ ရက်က ပြောကြားလိုက်ပါတယ်။

နိုင်ငံတည်ငြိမ်ရေးကို ထိပါးစေတဲ့ မြန်မာ့ပဋိပက္ခဟာ အရှေ့တောင် အာရှဒေသတွင်း လူကုန်ကူးမှုနဲ့ အွန်လိုင်းလိမ်လည်မှုလို နယ်စပ်ဖြတ်ကျော်ရာဇဝတ်မှုတွေကို အားဖြည့်ပေးနေတယ်လို့ ပြောကြားတဲ့အကြောင်း Antara သတင်းက ဖော်ပြပါတယ်။

လာအိုနိုင်ငံ ဗီယန်ကျင်းမြို့မှာ ကျင်းပနေတဲ့ အာဆီယံ- အရှေ့တောင်အာရှ နိုင်ငံများ အသင်း ထိပ်သီးဆွေးနွေးပွဲ ပြင်ပမှာ ပြောကြားတာဖြစ်ပြီး စနစ်တကျဖွဲ့စည်းထားတဲ့ နယ်စပ်ဖြတ်ကျော် ရာဇဝတ်မှုဟာ အင်ဒိုနီးရှား အပါအဝင် အာဆီယံ အဖွဲ့ဝင် နိုင်ငံအားလံးနီးပါးအတွက် စိုးရိမ်စရာ တစ်ခု ဖြစ်လာတယ်လို့ ပြောပါတယ်။

လူကုန်ကူးမှု၊ အွန်လိုင်းလောင်းကစားမှုနဲ့ အွန်လိုင်းလိမ်လည်မှုလို မှုခင်းတွေဖြစ်ထွန်းလာတာကို အာဆီယံနိုင်ငံတွေက ပူးပေါင်းပြီး အင်ပြည့်အားပြည့် ကိုင်တွယ်ဖို့လိုအပ်တယ်လို့လည်း ပြောပါတယ်။