သတ္တုတွင်းဦးစီးဌာန တာဝန်ရှိသူတွေကို အရေးယူပေးဖို့ ဆန္ဒပြတောင်းဆို
2017.01.15
တရားမဝင် ရွှေတူးသူတွေနဲ့ အကျင့်ပျက်ဝန်ထမ်းတွေကို အရေးယူပေးဖို့ ဇန်နဝါရီလ ၁၅ ရက်နေ့က ဆန္ဒပြတောင်းဆိုနေစဉ်
မန္တလေးတိုင်းဒေသကြီး သပိတ်ကျင်းမြို့နယ်က ကျေးရွာတွေမှာ တရားမဝင်ရွှေတူးဖော်မှုတွေကို အရေးယူဖို့ ပျက်ကွက်တဲ့ မြို့နယ် သတ္တုဦးစီးဌာန တာဝန်ရှိ သူတွေကို အရေးယူပေးဖို့ ဒေသခံ ၂၀၀ ကျော်က မနေ့ကစပြီး သပိတ်စခန်းဖွင့် ဆန္ဒပြနေကြပါတယ်။
တရားမဝင် ရွှေတူးသူတွေနဲ့ အကျင့်ပျက်ဝန်ထမ်းတွေကို အရေးမယူမချင်း ဆန္ဒပြသွားမယ်လို့ သပိတ်ကျင်းမြို့နယ် ဝက်သေကျေးရွာက ဒေသခံ ဦးမောင်ကြီး က ပြောပါတယ်။
"သတ္တုဥပဒေကို ချိုးဖောက်ထားတဲ့ ဝန်ထမ်းတွေနဲ့ တရားမဝင်ခိုးတူးနေတဲ့ စီးပွားရေးလုပ်ငန်းရှင်တွေ ကို အရေးမယူမချင်း နေ့ရော ညပါပြမှာပါ"
ဆန္ဒပြသူတွေဟာ သပိတ်ကျင်းမြို့နယ် အမှတ် ၂ သတ္တုတွင်းလုပ်ငန်းရုံးရှေ့မှာ ဆန္ဒပြနေကြတာဖြစ်ပါတယ်။
ဝက်သေ၊ ချောင်းကြီး၊ ရေထွက်၊ လိပ်ကျကျေးရွာတွေက ကျေးရွာပိုင်မြေတွေမှာ ရွှေတူးဖော်ရေး လုပ်ငန်းတွေ လာရောက်လုပ်ကိုင်နေတာတွေကို ရပ်တန့်ပေးဖို့၊ တရားမဝင်ရွှေတူးနေသူတွေကို အရေးယူပေးဖို့နဲ့ တရားမဝင်ရွှေတူးနေသူတွေကို အရေးမယူတဲ့ မြို့နယ် သတ္တုဦးစီးဌာန တာဝန်ရှိ သူတွေကို အရေးယူဖို့ တောင်း ဆိုနေကြတာဖြစ်ပါတယ်။
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
ဖတ်ရှုသူအများဆုံး သတင်းများ။
သတင်းများ
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- ဗိုလ်ချုပ်မှူးကြီးမင်းအောင်လှိုင် အပါအဝင် ၁၀၆ ဦး နဲ့ အဖွဲ့အစည်း ၂၂ ခုကို EU က ပိတ်ဆို့မှု သက်တမ်း ထပ်တိုး
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- ရေစကြိုမြို့နယ် ဗလဘရွာလုံးကျွတ် မီးရှို့ဖျက်ဆီးခံရ