ကုန်တင်ကုန်ချဆိပ်ကမ်းတွေအတွက် ဒေါ်လာ ၁၅ သန်း IFC ကူညီမည်

ရန်ကုန် သံလျင် သီလဝါဆိပ်ကမ်းမှာ bulk terminal ခေါ် ကုန်တင်သင်္ဘောကြီးတွေ ကုန်တင်ကုန်ချပြုလုပ်နိုင်တဲ့ ဆိပ်ကမ်းတွေအတွက် ရေရှည်အထောက်အပံ့အဖြစ် ကမ္ဘာဘဏ်ရဲ့လုပ်ငန်းခွဲတစ်ခုဖြစ်တဲ့ အပြည်ပြည်ဆိုင်ရာ ဘဏ္ဍာရေးကော်ပိုရေးရှင်း IFC က အမေရိကန်ဒေါ်လာ ၁၅သန်းကို ကူညီမှာဖြစ်ပါတယ်။ အခုလိုတည်ဆောက်မယ့် bulk terminal ဟာ မြန်မာနိုင်ငံရဲ့ ပထမဆုံးဆိပ်ကမ်းလည်း ဖြစ်ပါတယ်။

ဒီတည်ဆောက်ရေး စီမံကိန်းအတွက် စုစုပေါင်းကုန်ကျငွေဟာ ဒေါ်လာ ၆၅ သန်းဖြစ်ပြီး ဒီကုန်ကျငွေတချို့တဝက်ကို ဂျပန်နိုင်ငံက Kamigumi ကုမ္ပဏီနဲ့ IBTT တို့က ကျခံမှာဖြစ်ပါတယ်။ ဒီဆိပ်ကမ်းကနေ သီးနှံ၊ ဂျုံနဲ့စပါးများ တိရစ္ဆာန်စာတွေကို တင်ချဖို့ဖြစ်ပါတယ်။