အမေရိကန် လူ့အခွင့်ရေးအဖွဲ့ နဲ့ ၈၈ မျိုးဆက် တွေ့ဆုံ

အမေရိကန်ပြည်ထောင်စု နယူးယောက်မြို့အခြေစိုက် HRW ခေါ် လူ့အခွင့်အရေး စောင့်ကြည့် လေ့လာရေးအဖွဲ့ က ၈၈ မျိုးဆက် ကျောင်းသားများအဖွဲ့ကို ဒီနေ့သွားရောက် တွေ့ဆုံခဲ့တယ်လို့ သိရပါတယ်။

2012.05.26
88-myitkyina-b305 ကိုမင်းကိုနိုင်နှင့် ၈၈ မျိုးဆက် ကျောင်းသားခေါင်းဆောင်များ မြစ်ကြီးနားမြို့ခံများနှင့် တွေ့ဆုံစဉ်။
88 generation students

ကိုမင်းကိုနိုင် ဦးဆောင်တဲ့အဖွဲ့က HRW ရဲ့ အာရှဒေသဆိုင်ရာ လက်ထောက်ညွှန်ကြားရေးမှူး အီလီယန် တီရက်ဆန် ကို လက်ခံတွေ့ဆုံခဲ့တာပါ။

ဒီတွေ့ဆုံမှုမှာ လက်ရှိ မြန်မာနိုင်ငံရဲ့ လူ့အခွင့်အရေး အခြေအနေတွေ ပြောဆိုကြတယ်လို့ ၈၈ မျိုးဆက်ကျောင်းသား ခေါင်းဆောင်တဦး ဖြစ်တဲ့ ကိုပြုံးချိုက ပြောပါတယ်။

လက်ရှိပြုပြင်ပြောင်းလဲရေး ဖေါ်ဆောင်နေတဲ့ မြန်မာနိုင်ငံမှာ အားလုံးပါဝင်နိုင်ရေး အတွက် အကျဉ်းထောင်ထဲမှာ မလွတ်ဘဲ ရှိနေသေးတဲ့ နိုင်ငံရေး အကျဉ်းသားတွေ အားလုံး ပြန်လည် လွတ်မြောက်ရေးဟာ အရေးကြီးတယ်လို့ ဆိုပါတယ်။

မြန်မာနိုင်ငံကလူ့အခွင့်အရေး ချိုးဖောက်မှုတွေ ပပျောက်ရေးနဲ့ ပြည်သူတွေရဲ့ လုံခြုံရေးကို အာမခံတဲ့ အခြေအနေဖြစ်မှ အမေရိကန် အစိုးရက မြန်မာနိုင်ငံအပေါ် ချမှတ်ထားတဲ့ အရေးယူ ပိတ်ဆို့မှုတွေကို ပြန်ရုပ်သိမ်းပြီး စီးပွါးရေး ရင်းနှီးမြှုပ်နှံမှုတွေ ခွင့်ပြုသင့်တယ်လို့ လူ့အခွင့်အရေးစောင့်ကြည့် လေ့လာရေးအဖွဲ့က ပြောဆိုထားပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။