နှမ်းခါးရွာက သက်ကြီးရွယ်အို သုံးဦး စစ်ဘေးရှောင်ရင်း သေဆုံး
မကွေးတိုင်း ဂန့်ဂေါမြို့နယ်မှာ စစ်ရဟတ်ယာဉ်ကို ၂၀၂၁ ဒီဇင်ဘာ ၁၇ ရက်နေ့က တွေ့ရစဉ်
မကွေးတိုင်း ဂန့်ဂေါမြို့နယ် နှမ်းခါးရွာမှာ ဒီဇင်ဘာလ ၁၇ ရက်နေ့ စစ်တပ်က လေကြောင်းကနေ ပစ်ခတ် တိုက်ခိုက်ခဲ့လို့ စစ်ဘေးရှောင်ရင်းကနေ သက်ကြီးရွယ်အို သုံးဦး သေဆုံးခဲ့ရတယ်လို့ နှမ်းခါး ရွာသားတွေက ပြောပါတယ်။
အသက် ၇၀ အထက် အရွယ်တွေဖြစ်ကြပြီး ပစ်ခတ်သံတွေကြောင့် ထိတ်လန့်ရတာ၊ စစ်ဘေးရှောင်ရင်း ရာသီဥတုနဲ့ ခရီးလမ်းပင်ပန်းမှု ဒဏ်တွေကြောင့် သေဆုံးခဲ့ရတာလို့ နှမ်းခါးရွာသား တစ်ဦးက RFA ကို ပြောပါတယ်။
"ပြေးလွှားခဲ့ရတဲ့ဒဏ်ရယ် ပင်ပန်းတဲ့ဒဏ်ရယ် ဒီရက်ပိုင်း တအား အေးတယ်ဗျ အခုက သက်ကြီးပိုင်း တွေဆို သိပ်ဒဏ်မခံနိုင်ကြဘူးဗျ "
ဒီဇင်ဘာ ၁၇ ရက်က နှမ်းခါးရွာကို စစ်လေယာဉ်တွေနဲ့ ပစ်ခတ်တဲ့အချိန် သေနတ်သံ၊ လက်နက်ကြီး ပစ်ခတ်သံနဲ့ ဗုံးပေါက်ကွဲတဲ့ အသံတွေကို ကြားပြီး အသက် ၈၀ အရွယ် အဘွားအိုတစ်ဦး ထိတ်လန့်ပြီး သေဆုံးခဲ့တယ်လို့ ပြောပါတယ်။
ဒီဇင်ဘာ ၂၄ ရက်က အသက် ၉၀ အရွယ် အဘိုး ဦးအောင်မြိုင်နဲ့ အသက် ၇၀ ဝန်းကျင်အရွယ် အဘိုး ဦးမြတ်အေးတို့လည်း စစ်ဘေးရှောင်လို့ရတဲ့နေရာကို ရောက်ခါမှ ပင်ပန်းခဲ့တဲ့ဒဏ် ရာသီဥတုဒဏ်တွေကြောင့် သေဆုံးခဲ့ရတယ်လို့ ပြောပါတယ်။
နှမ်းခါးရွာကို စစ်ကောင်စီ တပ်ဖွဲ့ဝင်တွေက မကြာခဏ ဝင်ရောက်ခဲ့ကြလို့ စစ်ဘေးရှောင်ရင်း သေ ဆုံးရတဲ့ သက်ကြီးရွယ်အို ၁၀ ဦး ကျော်ရှိသွားပြီလို့ ရွာသားတွေက ပြောပါတယ်။
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- မြန်မာမှာ အကြမ်းဖက်မှု ချက်ချင်းရပ်ဖို့ စစ်ကောင်စီကို အမေရိကန် တောင်းဆို
ဖတ်ရှုသူအများဆုံး သတင်းများ။
သတင်းများ
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- ရေစကြိုမြို့နယ် ဗလဘရွာလုံးကျွတ် မီးရှို့ဖျက်ဆီးခံရ