ဟိန္ဒားသတ္ထုမိုင်းကိစ္စ ဒေသခံတွေ သတင်းစာရှင်းလင်း

တနင်္သာရီတိုင်းဒေသကြီးမှာ တရားဝင်သသတ္ထုတူးဖော်ခွင့်ရထားတဲ့လုပ်ငန်း ၈ ခုရှိပြီး အဲဒီအထဲက သဘာဝပတ် ဝန်းကျင်နဲ့ လူမှုပတ်ဝန်းကျင်ကို ထိခိုက်စေတဲ့ ရေဆိုးစွန့်ပစ်တဲ့ ဟိန္ဒားသတ္ထုတွင်း၊ အရှေ့တိုင်းသတ္ထုတွင်း နဲ့ ဝေသတ္ထုတွင်းတွေကို လုပ်ငန်းလည်ပတ်ခွင့် ယာယီရပ်ဆိုင်းထားဖို့ တိုင်းဒေသကြီးအစိုးရအဖွဲ့က ညွှန်ကြားထား တာဖြစ်ပါတယ်။

ဟိန္ဒားသတ္ထုတွင်းကြောင့် ဒေသခံတွေရဲ့ လယ်မြေတွေ ပျက်စီးကုန်ပြီး နစ်နာဆုံးရှုံးမှုအတွက် လျော်ကြေးငွေ ကျပ်သိန်း ၃ ထောင်ကျော်ပေးဖို့ သတ္ထုတွင်းနားက မြောင်းပြိုရွာသား ၉ ဦးက ၂၀၁၄ ခုနှစ် ဇူလိုင်လမှာ ထားဝယ် ခရိုင်တရားရုံးမှာ တရားစွဲဆိုခဲ့ပါတယ်။

အဲဒီအမှုကို ပလပ်လိုက်တဲ့အတွက် အဲဒီအမှုဟာ လက်ရှိ ပြည်ထောင်စုတရားလွှတ်တော်ချုပ်ရဲ့ အယူခံဆိုင်ရာ အထူးရုံးမှာ ဒေသခံတွေက အယူခံတင်ထားပါတယ်။

လယ်ယာမြေတွေက ကွင်းပြင်တွေဖြစ်နေပြီး သတ္ထုမိုင်းစီမံကိန်းတွေကြောင့် ဒေသခံတွေ သောက်သုံးရေအတွက် လည်း အခက်အခဲတွေဖြစ်နေတယ်လို့ မအေးမွန်သူ က ပြောပါတယ်။