ဟားခါးမြို့မှာ လက်နက်ကြီးကြောင့် ဒေသခံ တစ်ဦးသေဆုံးပြီး လေးဦးဒဏ်ရာရ
2024.03.26
ဟားခါးမြို့ မြို့သစ်ရပ်ကွက်မှ လက်နက်ကြီးကျရောက်ပေါက်ကွဲခဲ့သည့် နေအိမ်အား ၂၀၂၄ ခုနှစ်၊ မတ်လ ၂၆ ရက်နေ့က တွေ့ရစဉ်။
Citizen Journalist
ချင်းပြည်နယ် ဟားခါးမြို့ မြို့သစ်ရပ်ကွက်က နေအိမ်တစ်လုံးပေါ်ကို မတ်လ ၂၅ ရက် ညပိုင်းမှာ လက်နက်ကြီး တစ်လုံးကျရောက်ပေါက်ကွဲပြီး တစ်ဦးသေဆုံးတဲ့အပြင် လေးဦးဒဏ်ရာရခဲ့တယ်လို့ မြို့ခံတွေက ပြောပါတယ်။
ဦးရိုဘဲ သေဆုံးပြီး သူရဲ့မိသားစုဝင် လေးဦး ဒဏ်ရာရခဲ့တာပါ။
ဒီလက်နက်ကြီးကို ဟားခါးမြို့၊ ပြည်နယ်ရဲစခန်းမှာ တပ်စွဲထားတဲ့စစ်ကောင်စီတပ်က ပစ်ခတ်တာလို့ မြို့ခံတစ်ဦးက ပြောပါတယ်။
"မနေ့ညက စကစက ပြည်သူနေအိမ်ဘက်ကို တမင်ပစ်တာ၊ လက်နက်ကြီးကျတဲ့အိမ်လည်း တော်တော်ပျက်စီးသွားတယ်"
ဒဏ်ရာရသူလေးဦးက ဟားခါးပြည်သူ့ဆေးရုံမှာ ဆေးကုသမှုခံယူနေတယ်လို့ ပြောပါတယ်။
ဒီပစ်ခတ်မှုနဲ့ပတ်သက်လို့ စစ်ကောင်စီရဲ့ ချင်းပြည်နယ် ပြောခွင့်ရှိသူ ပြည်နယ်အတွင်းရေးမှူး ဦးအောင်ချိုကို RFA က ဖုန်းနဲ့ဆက်သွယ်ခဲ့ပေမယ့် လက်ခံဖြေဆိုတာ မရှိပါဘူး။
RFA ရဲ့ စာရင်းတွေအရ စစ်အာဏာသိမ်းပြီးနောက် ၂၀၂၁ ခုနှစ်၊ ဖေဖော်ဝါရီလ ၁ ရက်ကနေ ၂၀၂၄ ခုနှစ်၊ ဇန်နဝါရီလ ၃၁ ရက်အထိ နိုင်ငံတစ်ဝန်းမှာ လေကြောင်းနဲ့ လက်နက်ကြီးကြောင့် အရပ်သား ၁၄၂၉ ဦး သေဆုံးပြီး ၂၆၄၁ ဦး ဒဏ်ရာရရှိခဲ့ပါတယ်။
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
ဖတ်ရှုသူအများဆုံး သတင်းများ။
သတင်းများ
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- ဗိုလ်ချုပ်မှူးကြီးမင်းအောင်လှိုင် အပါအဝင် ၁၀၆ ဦး နဲ့ အဖွဲ့အစည်း ၂၂ ခုကို EU က ပိတ်ဆို့မှု သက်တမ်း ထပ်တိုး
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- ရေစကြိုမြို့နယ် ဗလဘရွာလုံးကျွတ် မီးရှို့ဖျက်ဆီးခံရ