တပ်မတော်နဲ့ TNLA နှစ်ရက် အတွင်း တိုက်ပွဲ ငါးကြိမ်ဖြစ်

"၂၉ ရက်ရယ် ဒီ ၃၀ ရက်ရယ်မှာ တိုက်ပွဲက ပြန်ဖြစ်လာတယ်၊ အဓိကဖြစ်တာကတော့ ကွတ်ခိုင်မြို့ နယ်၊ မန်တုံမြို့နယ်၊ နမ္မတူနဲ့ နမ့်ခမ်းမြို့နယ်တွေဘက်မှာဖြစ်တယ်၊ ၂၅ လောက်ကစပြီးတော့ တပ်မတော်ဘက်က စစ်ကား အစီး ၁၀၀ လောက်ရောက်လာတယ်၊ ၂၇ ၊ ၂၈ ရက်တွေမှာ သူတို့တောထဲမှာ ထိုးစစ်တက်လာတယ်"

TNLAနဲ့ တပ်မတော်ဘက်က တပ်မ(၈၈)တို့ ကွတ်ခိုင်မြို့နယ်၊ မန်တုံမြို့နယ်၊ နမ့်ခမ်းမြို့နယ်နဲ့ နမ္မတူမြို့နယ်တွေမှာ တိုက်ပွဲတွေ ဖြစ်ပွားခဲ့တာလို့ ပြောပါတယ်။

ပြီးခဲ့တဲ့ ဧပြီလ ၂၅ ရက်နေ့ကတည်းက အစိုးရစစ်တပ်ဘက်က TNLA တပ်တွေရှိရာကို ထိုးစစ်ဆင်လာတဲ့အတွက် လက်ရှိအချိန်အထိ စစ်ရေးတင်းမာနေတယ်လို့ ပြောပါတယ်။

တအာင်းအမျိုးသားလွတ်မြောက်ရေး တပ်မတော် TNLA ဟာ တပ်မတော်နဲ့ စစ်ရေးတင်းမာနေတဲ့ မြောက်ပိုင်း မဟာမိတ်အဖွဲ့ဝင် တိုင်းရင်းသားလက်နက်ကိုင်တပ်ဖွဲ့တစ်ခုဖြစ်ပြီး အစိုးရနဲ့ အပစ်ရပ်စာချုပ်မှာ လက်မှတ်မထိုးဘဲ ၀ တပ်ဖွဲ့ရဲ့ ဦးဆောင်မှုနဲ့ နိုင်ငံရေးဆွေးနွေးဖို့ ဆုံးဖြတ်ထားတဲ့ အဖွဲ့တစ်ဖွဲ့လည်း ဖြစ်ပါတယ်။