ရန်ကုန်တိုင်းဒေသကြီး မရမ်းကုန်းမြို့နယ်မှာရှိတဲ့ ဂန္ဓမာ Whole Sale ကုန်တိုက်က အလှပြင်ဆိုင်တစ်ဆိုင်မှာ မနေ့ကည ၁၂ နာရီခွဲဝန်းကျင်က မီးလောင်ခဲ့တာကြောင့် လူ ၇ ဦး သေဆုံးခဲ့ပါတယ်။
သေဆုံးသူ ၇ ဦးမှာ အမျိုးသား ၄ ဦးနဲ့ အမျိုးသမီး ၃ ဦးဖြစ်ပြီး သေဆုံးသူအားလုံးဟာ မီးခိုးငွေ့ကြောင့် အသက်ရှူကြပ်ပြီး သေဆုံးတာဖြစ်နိုင်ကြောင်း မီးလောင်မှုကြောင့် ငွေကျပ်သိန်း ငါးဆယ်ကျော်ဖိုး ဆုံးရှုံးခဲ့တယ်လို့ ရန်ကုန်တိုင်း မီးသတ်တပ်ဖွဲ့ကပြောကြောင်း သိရပါတယ်။
မီးလောင်မှုနဲ့ ပတ်သက်ပြီး သံသယရှိသူတစ်ဦးကို မရမ်းကုန်းမြို့မ ရဲစခန်းက အမှုဖွင့်ထားတယ်လို့ သိရပါတယ်။