ဖို့ဝိန်း မြန်မာ နှစ်သစ်ကူးပွဲ

ဒီပွဲကို ဖို့ဝိန်းမြို့က မြန်မာကွန်မြူနတီရုံးမှာ နေ့လည် ၁ နာရီကနေ ၄ နာရီအထိ ပြုလုပ်ခဲ့ပါတယ်။ ပွဲ ကျင်းပပုံနဲ့ ပတ်သက်ပြီး စီစဉ်သူတဦးဖြစ်တဲ့ ဦးအောင်မြင့်ထွန်းက ပြောပြပါတယ်။

“ဒီကနေ့ နှစ်ဆန်းတရက်အကြို အနေနဲ့ ဖို့ဝိန်းမှာရှိတဲ့ မြန်မာ့ ဒီမိုကရေစီ အင်အားစုတွေ စုပေါင်းပြီး မြန်မာ နှစ်သစ်ကူး အခါသမယမှာ ယုံကြည်ချက်ကြောင့် အကျဉ်းကျနေတဲ့ အကျဉ်းသားအားလုံး အမြန်ဆုံး လွတ်မြောက်စေဖို့၊ မြန်မာအပါအဝင် ကမ္ဘာ့နိုင့်ငံသူ နိုင်ငံသားအားလုံး ငြိမ်းအေးချမ်းသာဖို့ ရည်ရွယ်ချက်နဲ့ ဒီကနေ့ ငှက်တွေ လွှတ်တယ်၊ Free All Political Prisoners and Peace for the World ဆိုတဲ့ ဆိုင်းဘုဒ်ကို မိုးပျံဘူဘောင်းတွေနဲ့ လွှတ်တင်ပါတယ်”

ညနေပိုင်းမှာတော့ ဖို့ဝိန်းမြို့က ဇေတဝန် ဘုန်းကြီးကျောင်းမှာ အန္တရာယ်ကင်း ပရိတ်ရွတ်ပွဲကျင်းပြီး တရားနာ ကြွရောက်လာကြတဲ့ ဧည့်သည်တွေကို ဘဲသားဆံပြုတ်နဲ့တည်ခင်း ဧည့်ခံခဲ့တယ်လို့ သိရပါတယ်။