ပြည်ထောင်စု လွှတ်တော် လယ်ယာမြေနှင့် အခြားမြေများ သိမ်းဆည်းခံရမှု စုံစမ်းစစ်ဆေးရေး ကော်မရှင် ဥက္ကဋ္ဌ ဦးတင်ထွဋ်နဲ့ အဖွဲ့ဝင် ဦးအောင်သိန်းလင်း တို့ ဦးဆောင်တဲ့ အဖွဲ့ဟာ တွေ့ဆုံ ညှိနှိုင်းခဲ့တာပါ။
ဒီကနေ့ ညှိနှိုင်းပွဲကို တက်ရောက်ခဲ့တဲ့ ဒေသခံတောင်သူ တစ်ဦးက သတ်မှတ်ထားတဲ့ စည်းကမ်းတွေအရ သူတို့ဘက်က နစ်နာနေတယ်လို့ RFA ကို ပြောပါတယ်။
" အကျိုးတူလို့ ပြောတယ်။ သူတို့ရဲ့ စည်းမျဉ်းစည်းကမ်းတွေ သတ်မှတ်ထားတာက ဘယ်လိုမှ မကိုက်ညီဘူး။ ကျွန်တာ်တို့ တောင်သူတွေက ရံှုးရင်လည်း အဖမ်းခံရမယ်။ အလုပ်အကိုင် သူတို့နဲ့ အဆင်မပြေရင်လည်း ခံရမယ်။ သွင်းအားစုမှာလည်း ထည့်ထားတာတွေ တစ်ယောက်နဲ့ တစ်ယောက် ကျန်တယ်၊ အခြေအတင် ဖြစ်လာခဲ့လို့ရှိရင်လည်း အရေးယူမယ်ဆိုတော့ ကျွန်တော်တို့ တောင်သူတွေက ဘယ်လိုမှ အဆင်မပြေဘူး။ "
ဒဂုံမြို့သစ် အရှေ့ပိုင်းက လယ်မြေဧက (၂) ထောင်ကျော်ကို ဒဂုံ အင်တာနေရှင်နယ်၊ ယုဇန၊ ဆင်းရွှေလီ၊ မြင့်ဇေယျာ စတဲ့ ပုဂ္ဂလိက ကုမ္ပဏီတွေကို ကန်ထရိုက်စနစ်နဲ့ အကျိုးတူ ပူးပေါင်း လုပ်ကိုင်ဖို့ အစိုးရက ၂၀၀၈ ခုနှစ်အတွင်း စီမံကိန်း ချမှတ်ဆောင်ရွက်ခဲ့ရာမှာ ဒေသခံတောင်သူတွေနဲ့ ကုမ္ပဏီတွေအကြား မြေယာ အငြင်းပွားမှု ပြဿနာ ပေါ်ပေါက်ခဲ့တာ ဖြစ်ပါတယ်။