တိုင်းရင်းသားရေးရာဝန်ကြီး ဌာနတွေအတွက် ဘတ်ဂျက် သတ်မှတ်

ပြည်ထောင်စုအစိုးရရဲ့ ဘတ်ဂျက်ထဲက ငွေကျပ် ၁ ဒဿမ ၅၉ ဘီလျံကို တစ်နိုင်ငံလုံးမှာရှိတဲ့ တိုင်းရင်းသားရေးရာ ဝန်ကြီးဌာနတွေအတွက် ခွဲဝေသုံးစွဲ ဖို့ ပြည်ထောင်စုအစိုးရက ခွင့်ပြုလိုက်ပါတယ်။

အခုလို ဘတ်ဂျက်သုံးစွဲခွင့် ရရှိပြီဖြစ်တဲ့အတွက် နိုင်ငံတော်အတိုင်ပင်ခံပုဂ္ဂိုလ်ရဲ့ မျှော်မှန်းချက်ဖြစ်တဲ့ တိုင်းရင်းသား ရင်ကြားစေ့ရေးကို အထောက်အကူပြုနိုင်ဖို့ ဆောင်ရွက်သွားမှာဖြစ်တယ်လို့ ကချင်ပြည်နယ် အစိုးရအဖဲ့ွ လီဆူ တိုင်းရင်းသားရေးရာဝန်ကြီး ဦးအားတီယောဟန် က ပြောပါတယ်။

"နိုင်ငံတော်အတိုင်ပင်ခံပုဂ္ဂိုလ်ရဲ့ မျှော်မှန်းချက်က တိုင်းရင်းသား ရင်ကြားစေ့ရေးကို အမြန်ဖြစ်စေချင်တယ်၊ ဒီဘတ်ဂျက်ရမှာသာ ကျနော်တို့က တိုင်းရင်းသားတွေရဲ့ လိုအပ်ချက်တွေကို ဖြည့်ပေးနိုင်တဲ့အခါမှာ တိုင်းရင်းသားတွေရဲ့ ရင်ကြားစေ့ရေးကို ပါဝင်ဆောင်ရွက်နိုင်မယ်"