ရွေးကောက်ပွဲကော်မရှင် တာဝန် မဆောင်ရွက်နိုင်ရင် နုတ်ထွက်နိုင်ကြောင်း ဥက္ကဋ္ဌ ပြော


2018.12.28
hlathein-uec-president-622.jpg ပြည်ထောင်စုရွေးကောက်ပွဲကော်မရှင်ဥက္ကဋ္ဌ ဦးလှသိန်း ကို တွေ့ရစဉ်
Photo: Khaymani Win/RFA

ရွေးကောက်ပွဲကော်မရှင် လုပ်ငန်းအဆင့်ဆင့်မှာ တာဝန်ထမ်းဆောင်နေသူတွေအနေနဲ့ ကော်မရှင် တာဝန်တွေကို မဆောင်ရွက်နိုင်ဘူးဆိုရင် လာမယ့် ၂၀၁၉ ခုနှစ်ဇွန်လ နောက်ဆုံးထားနုတ်ထွက်ဖို့ ပြည်ထောင်စုရွေးကောက် ပွဲကော်မရှင် ဥက္ကဋ္ဌ  ဦးလှသိန်းက သတိပေး ပြောလိုက်ပါတယ်။

မန္တလေးမြို့ မြို့တော်ခန်းမမှာ ဒီနေ့ကျင်းပတဲ့ ခရိုင်၊ မြို့နယ် ရွေးကောက်ပွဲကော်မရှင်အဖွဲ့ခွဲတွေနဲ့ တွေ့ဆုံပွဲမှာ တိုင်းဒေသကြီး ရွေးကောက်ပွဲကော်မရှင်အဖွဲ့ခွဲက တာဝန်ရှိသူ ၃ ဦး လာရောက်ခြင်းမရှိတာနဲ့ ပတ်သက်လို့ ဆက်စပ်ပြောကြားလိုက်တာဖြစ်ပါတယ်။

ဒါ့အပြင် ကော်မရှင်လုပ်ငန်းတာဝန်ဟာ နိုင်ငံ့တာဝန်ဖြစ်တာကြောင့် တာဝန်ကျေအောင်လုပ်ကြဖို့ကိုလည်း ကော်မရှင်ဥက္ကဋ္ဌက ပြောပါတယ်။

ဒီနေ့တွေ့ဆုံပွဲကို မန္တလေးတိုင်းအတွင်း ရွေးကောက်ပွဲကော်မရှင်အဖွဲ့ခွဲအသီးသီးက အဖွဲ့ဝင် ၁၅၀ ခန့် တက်ရောက်ခဲ့ပါတယ်။

ဒီသတင်းကို RFA သတင်းထောက် မခေမဏီဝင်းပေးပို့တာပါ။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။