မြန်မာနဲ့ ထိုင်းနိုင်ငံသားတွေပါဝင်တဲ့ မူးယစ်ဆေးဝါးကုန်သွယ်သူတွေကို ဝ တပ်ဖွဲ့က ဖမ်းဆီးထား


2019.08.30
drug-arrest-622.jpg မြန်မာနဲ့ ထိုင်းနိုင်ငံသားတွေပါဝင်တဲ့ မူးယစ်ဆေးဝါး ကုန်သွယ်သူတွေကို ၂ဝ၁၉ သြဂုတ် ၂၆ ရက်နေ့က ဝ တပ်ဖွဲ့ ဖမ်းဆီးခဲ့စဉ်
Social Action for Children and Women - SAW

ရှမ်းပြည်နယ်အရှေ့ပိုင်း လွယ်လွန်းဒေသမှာ မြန်မာနဲ့ ထိုင်းနိုင်ငံသားတွေပါဝင်တဲ့ မူးယစ်ဆေးဝါး ကုန်သွယ်သူ အယောက် ၅၀ ကျော်ကို UWSA ဝ တပ်ဖွဲ့က ဖမ်းဆီးထားပါတယ်။

ပြီးခဲ့တဲ့ သြဂုတ်လ ၂၆ ရက်နေ့ မနက်ပိုင်းအချိန်လောက်က လွယ်လွန်းဒေသမှာ ထိုင်းနိုင်ငံသား ၁၄ ယောက်နဲ့ မြန်မာနိုင်ငံသား ၃၉ ယောက်တို့ကို လက်နက်နဲ့ မူးယစ်ဆေးဝါးတွေကို ဖမ်းဆီးရမိခဲ့တာလို့ UWSA လားရှိုးမြို့ ဆက်ဆံရေးရုံးတာဝန်ခံ ဦးညီရန်း က ပြောပါတယ်။

လွယ်လွန်းဒေသဟာ ရှမ်းပြည်နယ်အရှေ့ပိုင်းရဲ့ မူးယစ်ဆေးဝါးကုန်သွယ်ရာ လမ်းကြောင်းဖြစ်ပြီး သူတို့ကိုစစ်ဆေးချက်တွေအရ မူးယစ်ဆေးပြားပေါင်း ၁၀ သန်းဝန်းကျင်လောက်ကို ထိုင်းနယ်စပ်ဘက်မှာ ထားခဲ့တာကိုလည်း စိစစ်တွေ့ရှိရတယ်လို့ ပြောပါတယ်။

လက်ရှိ သူတို့ကို ဝ ပြည်နယ်တောင်ပိုင်းစစ်ဒေသ ၁၇၁ မှာ ဖမ်းဆီးထိန်းသိမ်းထားပြီး သူတို့ကို သက်ဆိုင်ရာ အစိုးရဌာနတာဝန်ရှိသူတွေဆီ လွှဲပြောင်းပေးအပ်ရေးနဲ့ပတ်သက်ပြီး ဝ အဖွဲ့ထိပ်တန်း တာဝန်ရှိသူတွေက မကြာခင်ရက်ပိုင်းမှာ ဆုံးဖြတ်သွားမှာဖြစ်တယ်လို့ ပြောပါတယ်။

 

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။