အတိုင်ပင်ခံပုဂ္ဂိုလ် ဥပဒေကို လွှတ်တော်မှာ တင်သွင်း

အဲဒီဥပဒေကြမ်းအရ အတိုင်ပင်ခံပုဂ္ဂိုလ်ဟာ နိုင်ငံတော်သမ္မတနဲ့ အစိုးရအဖွဲွ့ကို ဖွဲ့စည်းပုံအခြေခံ ဥပဒေကို မဆန့်ကျင်ဘဲ အကြံပေးရမှာဖြစ်တယ်လို့ ပါရှိပါတယ်။ သက်တမ်းအားဖြင့် နိုင်ငံတော်သမ္မတ သက်တမ်းနဲ့ အညီဖြစ်ပြီး ပြည်ထောင်စုလွှတ်တော်ကို တာဝန်ခံရမှာဖြစ်ပါတယ်။

အမျိုးသားလွှတ်တော်က အတည်ပြုလိုက်ပြီးရင် ပြည်သူ့လွှတ်တော်မှာ ဆက်လက်ဆွေးနွေးမှာဖြစ်ပြီး လာမယ့်ဧပြီလအတွင်း အတည်ပြုပြဌာန်းနိုင်မှာဖြစ်တယ်လို့ ဦးအောင်ကြည်ညွန့်က ပြောပါတယ်။

အတိုင်ပင်ခံပုဂ္ဂိုလ်အဖြစ် တာဝန်ယူမယ့် ဒေါ်အောင်ဆန်းစုကြည်ဟာ ပါတီစုံဒီမိုကရေစီစနစ်ထွန်းကားရေး ၊ ဈေးကွက်စီးပွားရေးစနစ်ပီပြင်ရေး၊ ဖက်ဒရယ် ပြည်ထောင်စုနိုင်ငံတော် တည်ဆောက်ရေးနဲ့ ပြည်ထောင်စု ငြိမ်းချမ်းရေးနဲ့ ဖွံ့ဖြိုးတိုးတက်ရေးတွေအတွက် လုပ်ဆောင်ရမှာဖြစ်ပါတယ်။