ကမ္ဘာ့ကျန်းမာရေး ညီလာခံ တက်ဖို့ ဒေါ်အောင်ဆန်းစုကြည် ထွက်ခွာ

ကာတာနိုင်ငံ၊ ဒိုဟာမြို့မှာ မနက်ဖြန် ဒီဇင်ဘာလ ၁၀ ရက်နဲ့ ၁၁ ရက်နေ့မှာ ကျင်းပမယ့် ကမ္ဘာ့ကျန်းမာရေး စွန့်ဦးတီထွင်မှုညီလာခံ World Innovation Summit for Health (WISH) တက်ရောက်ဖို့  အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည်ဟာ ဒီနေ့နေ့လည်ပိုင်းက ရန်ကုန်အပြည်ပြည် ဆိုင်ရာလေဆိပ်ကနေ ထွက်ခွာသွားပါတယ်။

ဒေါ်အောင်ဆန်းစုကြည်ဟာ မနက်ဖြန် ညီလာခံဖွင့်ပွဲနေ့ မှာ  "မြန်မာနိုင်ငံရဲ့ ကျန်းမာရေးစောင့်ရှောက်မှု စနစ် ပြောင်းလဲခြင်းဆိုင်ရာ စိန်ခေါ်မှုများ" ခေါင်းစဉ်နဲ့ မိန့်ခွန်း ပြောကြားမှာဖြစ်ပါတယ်။

အဲ့ဒီ ကျန်းမာရေးတီထွင်မှုဆိုင်ရာ ညီလာခံကို တက်ရောက်ဖို့ သီတဂူဆရာတော် ဒေါက်တာ အရှင်ဉာဏိဿရဟာလည်း ဒီနေ့ မနက် ၆-နာရီလောက်က ကာတာနိုင်ငံကို ထွက်ခွါသွားပြီလို့ သိရပါတယ်။