ဒါးပိုင်ကျေးရွာမှာ သန်း ၄၀ ကျော်ဖိုး ဆေးခြောက်တွေ ဖမ်းဆီးရမိ
2017.03.01
စစ်တွေမြို့မ ရဲစခန်းမှူး ဒုရဲမှူးရန်နိုင်လတ်ကို မတ်လ ၁ ရက်နေ့က တွေ့ရစဉ်
ရခိုင်ပြည်နယ် စစ်တွေမြို့နယ် ဒါးပိုင်ကျေးရွာမှာ ငွေကျပ် သန်း ၄၀ ကျော် တန်ဖိုးရှိတဲ့ ဆေးခြောက်ကီလိုဂရမ် ၄၀ ကျော်နဲ့အတူ မွတ်ဆလင်တစ်ဦးကို ရဲတပ်ဖွဲ့က မနေ့က ဖမ်းဆီးလိုက်ပါတယ်။
အဲဒီဆေးခြောက်တွေရဲ့ အလေးချိန်ဟာ ၂၅ ပိဿာနီးပါးလောက်ရှိတယ်လို့ စစ်တွေမြို့မ ရဲစခန်းမှူး ဒုရဲမှူးရန်နိုင်လတ် က ပြောပါတယ်။
"ပီနံအိတ်တခုထဲမှာ ၆ဝ ကျပ်သားကျော်ခန့်ရှိတဲ့ ပါကင်ထုတ်ပြီးသား အိတ်ကြီး တအိတ်မှာ ၂၅ ထုပ် ပါတယ်၊ နောက်တအိတ်မှာ ၆ဝ ကျပ်သား ၂ ထုပ်နဲ့ ၁ ပိဿာနဲ့ ၂ဝ ၊ ၇ ထုပ်ပါတယ်"
မနေ့ကသိမ်းဆည်းရမိတဲ့ ဆေးခြောက်ပမာဏဟာ အရင်ကဖမ်းဆီးရမိတာတွေထဲမှာ ပမာဏ အများဆုံးဖြစ်တယ်လို့ သိရပါတယ်။
အဲဒီဆေးခြောက်တွေကို သိမ်းဆည်းထားတဲ့ ဒါးပိုင်ရွာဟောင်းနေ အာမောက်ဟူဆောင်းကို ရဲတပ်ဖွဲ့က ဖမ်းဆီးထားသလို အဲဒီအမှုမှာ အဓိကပတ်သက်နေ သူတွေကို လိုက်လံရှာဖွေနေတယ်လို့ ဒုရဲမှူး ရန်နိုင်လတ် က ပြောပါတယ်။
အဲဒီ ဆေးခြောက်တွေကို တစ်ဘက်ဘင်္ဂလားဒေ့ရ်ှနိုင်ငံကနေ ရေလမ်းကြောင်းကနေတစ်ဆင့် ရခိုင်ပြည်နယ်ထဲကို သယ်ယူလာတာဖြစ်တယ်လို့ သိရပါတယ်။
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
ဖတ်ရှုသူအများဆုံး သတင်းများ။
သတင်းများ
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- ဗိုလ်ချုပ်မှူးကြီးမင်းအောင်လှိုင် အပါအဝင် ၁၀၆ ဦး နဲ့ အဖွဲ့အစည်း ၂၂ ခုကို EU က ပိတ်ဆို့မှု သက်တမ်း ထပ်တိုး
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- ရေစကြိုမြို့နယ် ဗလဘရွာလုံးကျွတ် မီးရှို့ဖျက်ဆီးခံရ