မှုခင်းသတင်းထောက်အဖွဲ့ဝင်တွေ ကို အရေးယူပေးဖို့ တိုင်ကြား

"သတင်းမီဒီယာကောင်စီကို တိုင်ကြားစာတွေ ရောက်တယ်။ သမ္မတရုံးတွေ ပြည်ထဲရေးတွေ ပို့တယ်ဆိုတာက ရှင်းရှင်းပြောလို့ရှိရင် အဲဒီအဖွဲ့အစည်းနဲ့ လူကြီးပိုင်းမှာ အဲဒီလိုပတ်သက်မှုတွေ ရှိတယ်ပေါ့နော်။ လူကြီးပိုင်းတွေ ကို နာမည်ခံပြီးတင်ထားတာတွေရှိတယ်။ ဆိုတော့သူတို့လည်း သတိထားမိအောင်ဆိုပြီးတော့ copy ပို့ တာပါ။ အဓိကကတော့ ငါတို့ဟာ မှုခင်းသတင်းထောက်များ အဖွဲ့ချုပ်ဥက္ကဌဖြစ်တဲ့ ဆရာဦးဟန်ညွှန့်ဆီ ကို လိပ်မူပြီး အကြောင်းကြားစာပို့တယ်"

သတင်းမီဒီယာကောင်စီက ပေးပို့တဲ့ အကြောင်းကြားစာမှာ သတင်းမီဒီယာကျင့်ဝတ်ကို ဖောက်ဖျက်ကျူးလွန် မှု တွေရှိနေတဲ့အပေါ် စည်းကမ်းထိန်းသိမ်းပေးဖို့ တောင်းဆိုထားပါတယ်။

ဒါ့အပြင် သတင်းမီဒီယာအဖွဲ့အစည်းတွေဖြစ်တဲ့ MJN၊ BNI ၊ MJU အစရှိတဲ့ အဖွဲ့တွေကလည်း မြန်မာနိုင်ငံ မှုခင်း သတင်းထောက်များအသင်းထံ အကြောင်းကြား စာပေးပို့ထားပြီး အဲဒီအကြောင်းကြားစာမှာ မှုခင်းသတင်းထောက် များအသင်းတံဆိပ်နဲ့ ယူနီဖောင်းဝတ်ဆင်ထားသူတွေအနေနဲ့ သတင်းအရင်းမြစ်တွေဆီက ခြိမ်းခြောက်ငွေတောင်း ယူမှုတွေရှိနေတယ်လို့ ရေးသားထားပါတယ်။

မှုခင်းသတင်းထောက်များအသင်းမှာ ရဲအရာရှိဟောင်းတွေနဲ့ အစိုးရအငြိမ်းစားအရာရှိတွေ ပါဝင်နေပြီး တချို့ နေရာတွေမှာ အသင်းသားတွေအနေနဲ့ ရဲတပ်ဖွဲ့ဝင်တွေလို ပြုမှုဆောင်ရွက်တာတွေရှိနေတယ်လို့လည်း အကြောင်းကြားစာမှာ ဖော်ပြထားပါတယ်။

သတင်းထောက်လို့ အမည်ခံပြီး သတင်းမီဒီယာ လုပ်ငန်းမဟုတ်တာတွေကို ဆောင်ရွက်နေတာဟာ သတင်းမီဒီ ယာသမားတွေကို အစိုးရနဲ့ ပြည်သူတွေဘက်က အထင်မှားပြီး ယုံကြည်မှုကျဆင်းစေနိုင်တာကြောင့် မှုခင်း သတင်းထောက်များအသင်းက အဖွဲ့ဝင်တွေကို စိစစ်ကြပ်မတ်ပေးဖို့ တောင်းဆိုရတာဖြစ်တယ်လို့ သတင်း မီဒီယာအဖွဲ့တွေက ပေးပို့တဲ့ အကြောင်းကြားစာမှာ ရေးသားထားပါတယ်။