NLDပါတီဟာ အနှစ် ၂၀ ကာလအတွင်း ထိပ်တိုက်ရင်ဆိုင်ရေး လမ်းကြောင်းကိုသာ လျှောက်ခဲ့ပြီး ပြည်သူနဲ့ တိုင်းပြည်အကျိုးစီးပွားအတွက် ဘာမှ လုပ်မပေးနိုင်တာကြောင့် တပ်မတော်နဲ့ ပူးပေါင်းပြီး အမျိုးသားပြန်လည် ရင်ကြားစေ့ရေးကို သွားဖို့ ရွေးကောက်ပွဲ ဝင်ခဲ့တာ ဖြစ်တယ်လို့ NDF ပါတီခေါင်းဆောင် ဦးခင်မောင်ဆွေက ဆိုပါတယ်။
ဒီ ပြောဆိုချက်နဲ့ ပတ်သက်လို့ NLD ပါတီဟာ ထိပ်တိုက်ရင်ဆိုင်ဖို့ နေနေသာသာ ပါတီဝင်တွေ ထောင်သွင်း အကျဉ်းချခံရတာတွေ၊ ၂၀၀၇ ရွှေဝါရောင် သံဃာ့လှုပ်ရှားမှုမှာတောင် လမ်းမ,ပေါ် မထွက်ဘဲ နေခဲ့တာတွေကို ကြည့်ရင် ထိပ်တိုက်ရင်ဆိုင်ခဲ့တာ မဟုတ်ကြောင်း၊ NLD ပါတီဟာ စစ်တပ်အလိုကျ စစ်အစိုးရ သြဇာခံတပည့် အဖြစ်နဲ့ လုပ်သွားမှာမဟုတ်ဘဲ တွေ့ဆုံ ဆွေးနွေးရေးနည်းနဲ့ နိုင်ငံရေး ပြဿနာတွေကို ဖြေရှင်းသွားဖို့ အာသီသ ရှိကြောင်း NLD ပါတီခေါင်းဆောင် ဦးဝင်းတင်က ပြောဆိုပါတယ်။
NDF ပါတီ က ဦးခင်မောင်ဆွေနဲ့ NLD ပါတီက ဦးဝင်းတင်တို့ကို RFA အဖွဲ့သား ကိုဉာဏ်ဝင်းအောင်က ဆက်သွယ် မေးမြန်းထားပါတယ်။
0:00 / 0:00