ဆေးဝါးအတုနဲ့ သက်တမ်း လွန်ဆေးဝါး ကျပ်သိန်းပေါင်း ၃သောင်းနီးပါးဖိုး ဖမ်းဆီးရမိ
2016.09.27
ရန်ကုန်မြို့ ဗိုလ်ချုပ်ဈေးနဲ့ ရွှေပြည်စုံဈေးတွေက ဖမ်းဆီးရမိခဲ့တဲ့ ဆေးဝါးအတုတွေနဲ့ သက်တမ်းလွန်ဆေးတွေကို နေပြည်တော် စက်မှုဝန်ကြီးဌာနမှာ စက်တင်ဘာလ ၂၇ ရက်နေ့ကပြုလုပ်တဲ့ သတင်းစာရှင်းလင်းပွဲမှာ ပြသထားစဉ်
ရန်ကုန်မြို့က ဗိုလ်ချုပ်ဈေးနဲ့ ရွှေပြည်စုံဈေးမှာ ကျပ်သိန်းပေါင်း ၃သောင်းနီးပါးရှိတဲ့ BPI ဆေးဝါးအတုတွေ၊ သက်တမ်းလွန်ဆေးဝါးတွေနဲ့ ဆက်စပ်ပစ္စည်းတွေကို ပြီးခဲ့တဲ့ သြဂုတ်လကုန်က ဖမ်းဆီးရမိခဲ့တယ် လို့ ပြည်ထဲရေးဝန်ကြီးဌာန ဒုတိယဝန်ကြီး ဗိုလ်ချုပ်အောင်စိုး က ပြောပါတယ်။
နေပြည်တော် စက်မှုဝန်ကြီးဌာနမှာကျင်းပတဲ့ ဆေးဝါးအတုတွေနဲ့ သက်တမ်းလွန်ဆေးဝါးတွေ ဖမ်းဆီးရမိမှုအခြေအနေရှင်းလင်းပွဲမှာ ဒုတိယဝန်ကြီး ဗိုလ်ချုပ်အောင်စိုးက ေပြာတာဖြစ်ပါတယ်။
"ဆေးဝါးအတုတွေ၊ သက်တမ်းလွန်ဆေးဝါးတွေ၊ BPI ဆေးဝါးအတုတွေ၊ ဆေးဝါးအတုလုပ်တဲ့ စက်ပစ္စည်းတွေ၊ စုစုပေါင်း ကာလတန်ဖိုး ကျပ် သိန်းပေါင်း ၃သောင်းနီးပါးကို ဖမ်းဆီးရမိခဲ့တာဖြစ်ပါတယ်"
အဲဒီလိုဖမ်းဆီးရာမှာ ရန်ကုန်မြို့၊ ဗိုလ်ချုပ်ဈေးနဲ့ ရွှေပြည့်စုံဈေးက ဆေးဝါးအတု ၄၄ မျိုး၊ ဆေးပြားတံဆိပ်အတု ၈ မျိုး၊ လိမ်းဆေးအတု ၂ မျိုး၊ ထိုးဆေးတံဆိပ်အတု ၈ မျိုး စုစုပေါင်း တံဆိပ်အတု ၁၈ မျိုး၊ သက်တမ်းလွန်ဆေးဝါး ၉၈ မျိုး၊ သံသယဖြစ်ဖွယ်ဆေးဝါး ၂၁ မျိုး၊ ဆေးဝါးအတုပြုလုပ်ရာမှာ အသုံးပြုတဲ့ ဖလင်ပြားတွေ၊ ကုန်ကြမ်းတွေ ဖမ်းဆီးရမိခဲ့တာ ဖြစ်ပါတယ်။
ဒါ့အပြင် ဆေးဝါးအတုပြုလုပ်ရောင်းချသူ ၇ ဦး၊ ဆေးဝါးအတုပြုလုပ်သူ ၄ ဦး၊ တံဆိပ်အတုပြုလုပ်သူ ၂ ဦးနဲ့ သက်တမ်းလွန်ဆေးဝါးသိုလှောင်ထားသူ ၁ ဦးစုစုပေါင်း ၁၄ ဦးကို ဖမ်းဆီးထားပြီး အမျိုးသားဆေးဝါးဥပဒေအရ တရားစွဲဆိုဖို့ ပြင်ဆင်နေပါတယ်။
ဆေးဝါးအတုတွေ၊ သက်တမ်းလွန်ဆေးဝါးတွေကို ပြည်ထဲရေးဝန်ကြီးဌာန၊ ကျန်းမာရေးနဲ့ အားကစားဝန်ကြီးဌာနနဲ့ စက်မှုဝန်ကြီးဌာနတို့က ပူးပေါင်းဖမ်းဆီးခဲ့တာဖြစ်ပါတယ်။
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
ဖတ်ရှုသူအများဆုံး သတင်းများ။
သတင်းများ
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- ဗိုလ်ချုပ်မှူးကြီးမင်းအောင်လှိုင် အပါအဝင် ၁၀၆ ဦး နဲ့ အဖွဲ့အစည်း ၂၂ ခုကို EU က ပိတ်ဆို့မှု သက်တမ်း ထပ်တိုး
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- ရေစကြိုမြို့နယ် ဗလဘရွာလုံးကျွတ် မီးရှို့ဖျက်ဆီးခံရ