ဖောင်တော်ဦးပရဟိ တကျောင်း ပြည်သူ့ဂုဏ်ရည်ဆု ချီးမြှင့်ခံရ

ပြည်သူ့ဂုဏ်ရည်ဆုကို ၂၀၁၀ ခုနှစ်ကတည်းက နှစ်စဉ်ချီးမြှင့်လာခဲ့တာဖြစ်ပြီး အမေရိကန် ပြည်ထောင်စု ကော်လိုရာဒိုပြည်နယ်မှာ မနေ့ကကျင်းပတဲ့ (၈) ကြိမ်မြောက် ပြည်သူ့ဂုဏ်ရည်ဆုပေးပွဲ အခမ်းအနားမှာ ဒီနှစ်အတွက် ဆုရရှိသူတွေကို ကြေညာခဲ့တာဖြစ်ပါတယ်။

ဒီနှစ်အတွက် ပြည်သူ့ဂုဏ်ရည်ဆုအပါအဝင် ပြည်သူ့ဂုဏ်ရည် အထူးဆု ၃ ဆု စုစုပေါင်း ဆုလေးဆု ချီးမြှင့်မှာဖြစ် ပါတယ်။

ဒီနှစ်အတွက် ပြည်သူ့ဂုဏ်ရည် အထူးဆုရှင် ၃ ဆုအနေနဲ့ လိင်မှုဆိုင်ရာ ပညာပေးအစီအစဉ်တွေကို ကျယ်ကျယ်ပြန့်ပြန့် လုပ်ဆောင်နေပြီး ပရဟိတလုပ်ငန်းတွေ ပါ လုပ်ကိုင်နေတဲ့ ကိုစိုးထိုက် (ဖဒို) ၊ Save the Library စာကြည့်တိုက်များကွန်ရက်နဲ့ လျှပ်စစ်အန္တရာယ်ကင်းရှင်းရေး ဆောင်ရွက်နေတဲ့ အင်ဂျင်နီယာ ကိုအေးကျော်ကျော် တို့က ရရှိခဲ့တာဖြစ်ပါတယ်။

ပြည်သူ့ဂုဏ်ရည်ဆု ချီးမြှင့်ငွေအနေနဲ့ အမေရိကန်ဒေါ်လာ တစ်သောင်း ပေးအပ်ချီးမြှင့်မှာဖြစ်ပြီး ပြည်သူ့ဂုဏ်ရည် အထူးဆုကိုတော့ အမေရိကန်ဒေါ်လာ တစ်ထောင်စီ ချီးမြှင့်မှာဖြစ်ပါတယ်။

ဆုရရှိသူတွေကို လာမယ့်ဇွန်လ ၄ ရက်နေ့ ရန်ကုန်မြို့ တော်ဝင်နှင်းဆီခန်းမမှာ ပေးအပ်သွားမယ်လို့ ပြည်သူ့ ဂုဏ်ရည်အသင်း ပြန်ကြားရေးအဖွဲ့ဝင် ကိုသန်းနိုင် က ပြောပါတယ်။

ဒီနှစ်အတွက် ပြည်သူ့ဂုဏ်ရည်ဆုရှင်အဖြစ် အမည်တင်သွင်းခဲ့တဲ့ လူပုဂ္ဂိုလ်နဲ့ ပရဟိတအဖွဲ့ပေါင်း ၃၇ ဦးရှိခဲ့ပြီး အဲဒီအထဲက ပြည်သူ့ဂုဏ်ရည်ဆုရှင်ကို မဲစနစ်နဲ့ ရွေးချယ်ခဲ့တာဖြစ်ပါတယ်။