နေပြည်တော် အမြန်လမ်း ကားတိုက်မှု ဆွစ်ဇာလန်နိုင်ငံသား သေဆုံး

မြန်မာနိုင်ငံမှာ မော်တော်ယာဉ် မတော်တဆမှု အများဆုံးဖြစ်ပွားတဲ့ နေပြည်တော် အမြန်လမ်းက မိုင်တိုင်အမှတ် ၁၈၅ အနီးမှာ မနေ့က ယာဉ်တိုက်မှု ဖြစ်ပွားခဲ့တဲ့အတွက် ဆွစ်ဇာလန်နိုင်ငံသား ၁ ဦးအပါအဝင် လူ ၃ ဦး သေဆုံးပြီး၊ ၄ ဦး ဒဏ်ရာရရှိခဲ့တယ်လို့ ရဲတွေက ပြောပါတယ်။

မနေ့က နေ့လည်ပိုင်းလောက်က နိုင်ငံခြားသားတွေ လိုက်ပါလာတဲ့ကားတစ်စီးက ရှေ့ကကားတစ်စီး ကို ကျော်တက်ရာမှာ ဝင်တိုက်ခဲ့တာဖြစ်တယ်လို့ သိရပါတယ်။

ဒဏ်ရာရသူ ၄ ဦးကို နေပြည်တော် ဆေးရုံကြီးမှာ ကုသပေးလျက်ရှိပြီး၊ အခြေအနေကောင်းမွန်တယ်လို့ သိရပါတယ်။