အမ်းမြို့နယ်မှာ ရွေးကောက်ပွဲ လုံခြုံရေးအတွက် ရဲတပ်ဖွဲ့ဝင် ၂၇၀ ကျော် အသုံးပြုမည်
2017.03.30
ရခိုင်ပြည်နယ် အမ်းမြို့နယ်က ရွေးကောက်ပွဲကော်မရှင် အဖွဲ့ခွဲရုံးကို တွေ့ရစဉ်
ရခိုင်ပြည်နယ် အမ်းမြို့နယ်မှာ လာမယ့် ဧပြီလ ၁ ရက်နေ့မှာကျင်းပမယ့် ကြားဖြတ်ရွေးကောက်ပွဲ အတွက် ရဲတပ်ဖွဲ့အင်အား ၂၇၀ ကျော်နဲ့ လုံခြုံရေးဆောင်ရွက်သွားမယ်လို့ အမ်းမြို့နယ်ရဲတပ်ဖွဲ့မှူး ရဲမှူးအောင်စိုး က ပြောပါတယ်။
ရွေးကောက်ပွဲအတွက် မြောက်ဦး၊ ကျောက်ဖြူ၊ သံတွဲ၊ စစ်တွေ ခရိုင် ၄ ခုက ရဲတပ်ဖွဲ့အင်အားတွေကိုပါ ဖြည့်တင်း ထားပြီး အမ်းမြို့နယ်တစ်ခုလုံးကို ဇုန် ၄ ဇုန်သတ်မှတ်ပြီး လုံခြုံရေးဆောင်ရွက်မှာ ဖြစ်တယ်လို့လည်း ပြောပါတယ်။
အမ်းမြို့နယ်မှာ လစ်လပ်နေတဲ့ ပြည်သူ့လွှတ်တော်မဲဆန္ဒနယ်အတွက် ရခိုင်အမျိုးသားပါတီ ANP က ဒေါက်တာအေးမောင်၊ ကြံ့ခိုင်ဖွံ့ဖြိုးရေးပါတီက ဦးသောင်းငြိမ်း၊ အမျိုးသားဒီမိုကရေစီအဖွဲ့ချုပ် NLD ပါတီက ဦးဇော်ဝင်းမြင့်နဲ့ တစ်သီးပုဂ္ဂလကိုယ်စားလှယ်လောင်း ဦးဇော်လင်းအောင် တို့ ယှဉ်ပြိုင်ကြမှာဖြစ်ပါတယ်။
အမ်းမြို့နယ်အတွင်းမှာ ရပ်ကွက် ၇ ခုနဲ့ ကျေးရွာအုပ်စု ၂၉ အုပ်စုရှိပြီး မဲဆန္ဒရှင်အရေအတွက်က ၇၅၈၀၀ ကျော်၊ မဲရုံပေါင်း ၁၃၇ ရုံထားရှိမှာဖြစ်ပါတယ်။
အမ်းမြို့နယ်မှာပြုလုပ်မယ့် ကြားဖြတ်ရွေးကောက်ပွဲအတွက် မဲဆန္ဒရှင်အားလုံးရဲ့ ရာခိုင်နှုန်း ၃၀ ကျော်လောက်သာ မဲစာရင်းကို လာရောက်ကြည့်ရှုကြပြီး စိတ်ဝင်စားမှုအားနည်းတာကို တွေ့ရတယ်လို့ မြို့နယ်ရွေးကောက်ပွဲကော် မရှင် တာဝန်ရှိသူတစ်ဦးကပြောပါတယ်။
ဖတ်ရှုသူအများဆုံး သတင်းများ။
RFA
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- ဗိုလ်ချုပ်မှူးကြီးမင်းအောင်လှိုင် အပါအဝင် ၁၀၆ ဦး နဲ့ အဖွဲ့အစည်း ၂၂ ခုကို EU က ပိတ်ဆို့မှု သက်တမ်း ထပ်တိုး
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
ဖတ်ရှုသူအများဆုံး သတင်းများ။
သတင်းများ
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- မန္တလေး Sky Villa ကွန်ဒိုက ရှာတွေ့တဲ့ ရုပ်အလောင်း ၁၀၀ ကျော်ရှိလာ