ပန်ဆိုင်းက စစ်ဘေးတိမ်းရှောင် သူတွေကို တင်ဆောင်လာတဲ့ လူမှုရေးယာဉ်တွေ တိုက်ခိုက်ခံရ


2016.11.21
ambulance-620.jpg ပစ်ခတ်တိုက်ခိုက်ခံရတဲ့ လူမှုကူညီရေးအသင်းယာဉ်ကို တွေ့ရစဉ်
Photo: မူဆယ်မင်း

ရှမ်းပြည်မြောက်ပိုင်း မူဆယ်ခရိုင် ပန်ဆိုင်းမြို့နယ် လွယ်အင်ကျေးရွာက စစ်ဘေးဒုက္ခသည်တွေကို သွားရောက်ခေါ်ဆောင်လာတဲ့ လူမှုကူညီရေးအသင်းယာဉ်တွေကို ဟိုနောင်ရွာအဝင်မှာ ပစ်ခတ်တိုက်ခိုက် ခဲ့တာကြောင့် အမျိုးသားတစ်ဦး ဒဏ်ရာရရှိခဲ့ပါတယ်။

မူဆယ်မြို့က လူမှုကူညီရေးအသင်းယာဉ် ၅ စီးနဲ့ သွားရောက်ခေါ်ဆောင်ပြီး မူဆယ်မြို့ကို ပြန်အလာမှာ သေနတ်နဲ့ ပစ်ခတ်ခံရတာဖြစ်တယ်လို့ လူမှုကူညီရေးအသင်းက တာဝန်ရှိသူတစ်ဦးက ပြောပါတယ်။

လူမူကူညီရေးအသင်းယာဉ် ၅ စီးထဲက ပါရမီလူမှုကူညီရေးယာဉ်နဲ့ မေတ္တာမွန် လူမှုကူညီရေးယာဉ် နှစ်စီးမှာ သေနတ်ကျည်ထိမှန်ပြီး ဒုက္ခသည်တွေကို ခေါ်ဆောင်လာတဲ့ ကြင်နာနွေးထွေးပရဟိတအဖွဲ့ဝင် အမျိုးသားတစ်ဦး ရင်ဘတ်မှာ သေနတ်ထိမှန်ခဲ့တာဖြစ်ပါတယ်။

အဲဒီယာဉ် ၅ စီးပေါ်မှာ လွယ်အင်ကျေးရွာက စစ်ဘေးတိမ်းရှောင်လာသူ ၅၀ ဝန်းကျင် လိုက်ပါလာတာဖြစ်ပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။