ရခိုင်ဒီမိုကရေစီအဖွဲ့ချုပ် ALD ကို ပြန်လည်မှတ်ပုံတင်မည်

ပါတီကို ပြန်လည်မှတ်ပုံတင်ရာမှာ အရင် ရခိုင်ဒီမိုကရေစီအဖွဲ့ချုပ် ALD ပါတီမှာ ဆောင်ရွက်ခဲ့ကြတဲ့ ခေါင်းဆောင် ပိုင်းတွေ အားလုံးနီးပါး ပါဝင်လာကြမှာဖြစ်ပြီး လာမယ့် ဖေဖော်ဝါရီလမှာ ပါတီကို ပြန်လည်မှတ်ပုံတင်ဖို့ အတွက် ပြည်ထောင်စုရွေးကောက်ပွဲကော်မရှင်ထံတင်ပြဖို့ ရည်ရွယ်ထားတယ်လို့လည်း ဦးမျိုးကျော် ကပြော ပါတယ်။

ရခိုင်ဒီမိုကရေစီအဖွဲ့ချုပ် ALD ပါတီဝင်ဟောင်းတွေက သီးခြားပါတီထူထောင်ရေးကိစ္စနဲ့ ပတ်သက်ပြီး ပြီးခဲ့တဲ့ ဇန်နဝါရီ ၇ ရက်နေ့ကနေ ၈ နေ့အထိ တောင်ကုတ် မြို့နယ်ခန်းမမှာ နှစ်ရက်ကြာ ဆွေးနွေးခဲ့ကြတာဖြစ်ပါတယ်။

ရခိုင်ဒီမိုကရေစီအဖွဲ့ချုပ် ALD နဲ့ ရခိုင်တိုင်းရင်းသားများ တိုးတက်ရေးပါတီ RNDP နှစ်ခုကို ရခိုင်အမျိုးသားပါတီ ANP အဖြစ် ပြီးခဲ့တဲ့ ၂၀၁၄ ခုနှစ်က ပေါင်းစည်း ခဲ့ကြတာပါ။

အဲဒီနောက် နှစ်ဘက်ခေါင်းဆောင်ဟောင်းတွေအကြား သဘောထားကွဲလွဲမှုတွေရှိလာခဲ့ကြပြီး RNDP ပါတီဟောင်းခေါင်းဆောင်တွေက ALD ပါတီဘက်ကလူတွေကို ANP ပါတီကနေ ထုတ်ပယ်ခဲ့တာဖြစ်ပါတယ်။