AA စစ်ဦးစီးချုပ်ပုံနဲ့ မီးပုံးပျံလွှတ်သူ ထောင်ဒဏ် ၂ နှစ်ချမှတ်ခံရ


2018.11.26
aa-balloon-622.jpg ရက္ခိုင့်တပ်မတော် (AA) စစ်ဦးစီးချုပ် ဗိုလ်ချုပ် ထွန်းမြတ်နိုင် ရုပ်ပုံပါတဲ့ မီးပုံးပျံကို တွေ့ရစဉ်
Photo: Hla Tun Kyaw

ရက္ခိုင့်တပ်မတော် (AA) စစ်ဦးစီးချုပ် ဗိုလ်ချုပ် ထွန်းမြတ်နိုင် မွေးနေ့မှာ သူ့ရုပ်ပုံပါတဲ့ မီးပုံးပျံကို လွှင့်တင်ခဲ့လို့ဆိုပြီး ကျောက်ဖြူမြို့နယ် လိပ်ခမော်ကျေးရွာက ဦးလှထွန်းကျော်ကို ကျောက်ဖြူမြို့နယ် တရားရုံးက ထောင်ဒဏ် ၂ နှစ် အမိန့်ချမှတ်လိုက်ပါတယ်။

မတရားအသင်းအက်ဥပဒေနဲ့ ငြိတယ်ဆိုပြီး တရားရုံးက ဒီနေ့ ဆုံးဖြတ်ခဲ့တာလို့ အမှုကို လိုက်ပါဆောင်ရွက်ခဲ့တဲ့ ရှေ့နေ ဦးတင်မြင့်က ပြောပါတယ်။

လိပ်ခမော်ကျေးရွာမှာ နေထိုင်တဲ့ ဦးလှထွန်းကျော်ဟာ ပြီးခဲ့တဲ့နှစ် နိုဝင်ဘာလ ၇ ရက်နေ့က AA စစ်ဦးစီးချုပ်ရဲ့ မွေးနေ့အထိမ်းအမှတ်အဖြစ် မီးပုံးပျံလွှင့်တင်ခဲ့ပြီးနောက် ဖမ်းဆီးခံခဲ့ရတာပါ။

ဖမ်းဆီးတရားစွဲဆိုခံရပြီးနောက် တစ်နှစ်ကျော်အကြာ ဒီနေ့မှာ အမိန့်ချမှတ်ခံခဲ့ရတာ ဖြစ်ပါတယ်။

တရားရုံးရဲ့ဆုံးဖြတ်ချက်ဟာ တရားမျှတမှုရှိတယ်လို့ မယူဆတာကြောင့် အထက်တရားရုံးတွေကို အယူခံဝင်သွားမယ်လို့လည်း ရှေ့နေ ဦးတင်မြင့် က ပြောပါတယ်။

ဒီသတင်းကို RFA သတင်းထောက် ကိုမင်းသိန်းအောင် ပေးပို့တာပါ။

မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။