ဆေးကုသမှုခံယူနေတဲ့ ဆရာတော်ကို ၈၈ မျိုးဆက်ကျောင်းသားခေါင်းဆောင်သွားရောက် အားပေး

• 
  2012-12-20

သူဟာ (၈၈) မျိုးဆက်ကျောင်းသားတွေကိုယ်စား ဆေးကုသနေတဲ့ ဆရာတော် ဦးတိက္ခဉာဏကို အလှူငွေ ဘတ်တစ်သောင်းလည်း လှူဒါန်းခဲ့ပါတယ်။

ဆရာတော် ဦးတိက္ခဉာဏဟာ ဒီဇင်ဘာ(၁၃)ရက်ညမှာ ဘန်ကောက်ဆေးရုံရောက်ရှိခဲ့ပြီး မီးလောင်ဗုံးဒါဏ်ရာတွေကို ကုသမှုခံယူနေရတာပါ။

ဆရာတော်ဦးတိက္ခဉာဏရဲ့ ဆေးဝါးကုသစားရိတ်ဟာ (၂)ရက်ထဲမှာတင် ဘတ်(၁)သန်း(၃)သောင်းကျော် ကုန်ကျတယ်လို့ မိသားစုဝင်တွေက RFA ကို ပြောပါတယ်။

ဆရာတော်နဲ့ အခြားဒဏ်ရာရ သံဃာတော်တွေ ဆေးဝါးဆက်လက် ကုသနိုင်ဖို့အတွက်လည်း ဘန်ကောက်မြို့မှာ ခေတ္တသီတင်းသုံးနေတဲ့ ရွှေညဝါဆရာတော်နဲ့ ဦးတိက္ခဉာဏ မိသားစုဝင်တွေနဲ့လည်း ဆွေးနွေးခဲ့တယ်လို့လည်း ဦးကိုကိုကြီးက ပြောပါတယ်။

ကိုကိုကြီးဟာ မနက်ဖြန် ဒီဇင်ဘာလ ၂၁ ရက်နေ့မှာ ထိုင်း-မြန်မာနယ်စပ် မဲဆောက်ကိုသွားပြီး မယ်တော်ဆေးခန်း၊ AAPP နိုင်ငံရေးအကျဉ်းသားများ ကူညီစောင့်ရှောက်ရေးအသင်း စတဲ့ အဖွဲ့အစည်းတွေကို သွားရောက်လေ့လာ မယ်လို့လည်း ပြောပါတယ်။