ထောင်ထဲမှာ ကိုဗစ်မစစ်နိုင်ကြောင်း နိုင်/ကျဉ်းဟောင်းပြော

• နေရိန်ကျော်
  2021-01-27

ဗကသများ အဖွဲ့ချုပ် ဒုဥက္ကဋ္ဌဟောင်း ကိုလင်းထက်နိုင်ဟာ ထောင်ဒဏ်စေ့ပြီး အင်းစိန်ထောင်ကနေ ဒီနေ့ ပြန်လွတ်လာပါတယ်။ သူ့ဟာ ၂၀၁၅ ပညာရေး ပြုပြင်ပြောင်းလဲရေးသပိတ်အပြီး မှတ်ပုံတင်အတုနဲ့ တိမ်းရှောင်နေခဲ့လို့ဆိုတဲ့အမှုနဲ့ ၅ နှစ်အကြာ၊ ၂၀၂၀ သြဂုတ်လမှာ ထောင် ၆ လချခံရတာဖြစ်ပါတယ်။

အင်းစိန်ထောင်မှာ ကိုရိုနာဗိုင်းရပ်စ် ထိန်းချုပ်ဖို့အတွက်ဆိုပြီး တရားရုံးချိန်းတွေမှာ ဘယ်သူ့မှအပြင်မထုတ်ဘဲ ဗီဒီယိုရုပ်သံနဲ့ပဲ ရမန်ထပ်ထပ်ပေးနေလို့ အချုပ်သားအားလုံး နစ်နာနေကြသလို၊ ကိုရိုနာဗိုင်းရပ်စ် ကူးစက်ခံထားရတဲ့ လက္ခဏာတွေ့ရရင်လည်း ဆေးစစ်တာမရှိဘူးလို့ ပြောပါတယ်။

အင်းစိန်ထောင်က နောက်ဆုံးအခြေအနေတွေနဲ့ပတ်သက်လို့ ကိုလင်းထက်နိုင်ကို RFA ဝိုင်းတော်သား ကိုနေရိန်ကျော် ဆက်သွယ်မေးမြန်းထားပါတယ်။