བོད་གཞིས་ཀ་རྩེ་གྲོང་ཁྱེར་ཁུལ་དིང་རི་རྫོང་དུ་ས་ཡོམ་རྗེས་ས་གནས་སུ་དཀའ་ངལ་ཇི་བྱུང་དང་། རྒྱ་ནག་གཞུང་གིས་སྟངས་འཛིན་བྱེད་ཕྱོགས། རྒྱལ་སྤྱིའི་ཁྱོན་ནས་དེར་ལྟ་ཚུལ་བཅས་ཀྱི་སྐོར་དཔྱད་གཞིའི་སྐོར།

• 2025-01-13

བོད་གཞིས་ཀ་རྩེ་གྲོང་ཁྱེར་ཁུལ་དིང་རི་རྫོང་དུ་ཕྱི་ཟླ་ ༡ ཚེས་ ༧ ཉིན་ས་ཡོམ་འགུལ་ཚད་ ༧.༡ བརྒྱབ་སྟེ་རྒྱ་ནག་གཞུང་འབྲེལ་གྱི་གྲངས་ཐོ་ལྟར་ན།  མི་གྲངས་ཁྲི་དྲུག་ཙམ་ལ་གནོད་འཚེ་འདྲ་མིན་གྱི་དོ་ཕོག་བྱུང་ཡོད་ཅིང་།  ཕྱི་ཚེས་ ༡༠ བར་མི་གྲངས་ ༡༢༦ རྐྱེན་འདས་སུ་གྱུར་པ་དང་ ༣༣༧ ལ་རྨས་སྐྱོན་ཕོག་པ་བསྒྲགས་ཡོད་ཀྱང་།  ས་གནས་སུ་བསྐྱོད་མཁན་དང་ཡུལ་མིས་བརྗོད་པར་གཞིགས་ན་རྐྱེན་འདས་གྱུར་བའི་གྲངས་འབོར་ཉུང་མཐར་ ༢༠༠ ལྷག་ཡོད་པའི་ཚོད་དཔག་གནང་གི་ཡོད་པ་ཨེ་ཤེ་ཡ་རང་དབང་རླུང་འཕྲིན་ཁང་ལ་བརྗོད་ཡོད།  བདུན་ཕྲག་འདིའི་དཔྱད་བརྗོད་གླེང་སྟེགས་ཀྱི་ལས་རིམ་ནང་། ས་ཡོམ་གྱི་གོད་ཆག་བྱུང་རྗེས་ས་གནས་སུ་དཀའ་ངལ་ཇི་བྱུང་དང་།  རྒྱ་ནག་གཞུང་གིས་སྟངས་འཛིན་བྱེད་ཕྱོགས།  རྒྱལ་སྤྱིའི་ཁྱོན་ནས་དེར་ལྟ་ཚུལ་བཅས་ཀྱི་སྐོར་དཔྱད་གཞིའི་སླད་ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་གྱི་འགན་འཛིན་གཞོན་པ་བཀྲིས་དབང་ཕྱུག་ལགས་དང་རྩོམ་སྒྲིག་འགན་འཛིན་བསྟན་འཛིན་བདེ་སྐྱིད་ལགས་ཀྱི་དབར་གླེང་མོལ་ཞུས་པར་གསན་རོགས་གནང་།

གསར་འགོད་པ། བཀྲིས་དབང་ཕྱུག བསྟན་འཛིན་བདེ་སྐྱིད།

རྩོམ་སྒྲིག་པ། དོན་གྲུབ་རྣམ་རྒྱལ།

དྲྭ་ཐོག་སྤེལ་མཁན། ནོར་སྒྲོན།