ཞིའི་ཅིང་ཕིང་གི་གཞུང་དོན་ཕྱོགས་བསྐྱོད་ཐོག་མ།

• 
  2012-12-07

༄༅།    །དེ་ཡང་ཧོང་ཀོང་གི་ལྷོ་རྒྱ་ནག་རྒྱ་མཚོའི་ཕོ་ཉ་ཞེས་པའི་ཚགས་ཤོག་ཐོག་དེ་རིང་གནས་ཚུལ་སྤེལ་བ་ལྟར་ན།    དེ་སྔ་༡༩༩༢ལོར་རྒྱ་ནག་གི་འགོ་ཁྲིད་འདས་པོ་ཏིང་ཞའོ་ཕིང་གིས་ཀྱང་རྒྱ་ནག་ཧྲན་ཀྲན་ཁུལ་དུ་རྟོག་ཞིབ་ལ་ཕྱིན་ཡོད་པ་དང་།  རྗེས་སུ་རྒྱ་ནག་གཞུང་གིས་ཕྱི་ཕྱོགས་སུ་གོ་མོ་ཕྱེ་བའི་འགྱུར་བཅོས་སྲིད་བྱུས་མུ་མཐུད་འཛིན་རྒྱུར་ཐག་གཅོད་བྱས་ཡོད་སྐོར་གསུངས་པ་དང་འབྲེལ།  ད་རེས་རྒྱ་ནག་གི་ཆེད་མཐོའི་དཔོན་རིགས་ཞིའི་ཅིང་ཕིང་གིས་ རྒྱ་ནག་གི་དབང་ཆ་འཛིན་པའི་རྗེས་ཀྱི་ཕྱོགས་བསྐྱོད་ཐོག་མ་དེ།  རྒྱ་ནག་ཧྲན་ཀྲན་ཁུལ་དུ་བསྐྱོད་ཡས་དེའི་ཐོག་ནས་ རྒྱ་ནག་གཞུང་གིས་ཕྱི་ཕྱོགས་སུ་གོ་མོ་ཕྱེ་བའི་འགྱུར་བཅོས་སྲིད་བྱུས་མ་འོངས་མུ་མཐུད་འཛིན་རྒྱུའི་མཚོན་རྟགས་ཤིག་ཡིན་པ་ཧོང་ཀོང་གི་ཚགས་ཤོག་དེའི་ཐོག་གནས་ཚུལ་འཁོད་འདུག   ཧྲན་ཀྲན་གྲོང་ཁྱེར་དེ་བཞིན་ལོ་ངོ་བཅུ་གྲངས་ཁ་ཤས་ཀྱི་གོང་ས་སྟོང་ཡིན་པའི་སྐབས།  རྒྱ་ནག་གི་དཔལ་འབྱོར་འཕེལ་རྒྱས་ཀྱི་དམིགས་བསལ་ས་གནས་ཐོག་མ་དེ་བཟོས་ནས་  ས་གནས་དེའི་ནང་ཕྱི་རྒྱལ་གྱི་མ་རྩ་འཛུགས་མཁན་བསྡུ་སྐོང་བྱེད་ཡས་སོགས་འདས་པའི་ལོ་ངོ་བཅུ་གྲངས་ཁ་ཤས་ནང་ཁུལ་དེར་དཔལ་འབྱོར་འཕེལ་རྒྱས་ཤུགས་ཆེ་ཕྱིན་ཏེ།  རྒྱ་ནག་གི་དཔལ་འབྱོར་འཕེལ་རྒྱས་ལྟེ་གནས་གྲོང་ཁྱེར་ཞིག་ཆགས་ཡོད་པས་མ་ཟད།  ཆབ་སྲིད་ལྟ་བ་སོགས་ཀྱི་ཐོག་ནས་རྒྱ་ནག་གི་དབུས་ཕྱོགས་ས་ཁུལ་ལས་གུ་ཡངས་བ་ཡོད་པར་མི་རྣམས་ཀྱི་ངོས་འཛིན་བྱེད་ཀྱི་ཡོད་པ་རེད།།