ཨོ་སེ་ཊེ་ལིཡ་ཉེན་རྟོག་པས་་མི་གཉིས་འཛིན་བཟུང་བྱས་ཡོད་པ།

• 
  2008-04-23

༄༅༎ཨོ་སེ་ཊེ་ལིཡ་ནང་ཨོ་ལིམ་པིཀ་ཡི་དཔལ་འབར་བསྐོར་བསྐྱོད་ལ་ངོ་རྒོལ་མཚོན་ཆེད་ཟམ་པའི་སྟེང་ཕྲེད་དར་འཕྱར་རྒྱུའི་འཆར་གཞི་བྱས་པར་བརྟེན་ལས་འགུལ་བ་གཉིས་འཛིན་བཟུང་བྱས་འདུག

སང་ཉིན་ཨོ་སི་ཊེལིཡ་ཡི་ནང་རྒྱལ་སྤྱིའི་ཨོ་ལམ་པིཀ་རྩེད་འགྲན་གྱི་དཔལ་འབར་བསྐོར་བསྐྱོད་བྱེད་ཀྱི་ཡོད་པའི་སྔ་ནུབ་ཏུ་རེས་གཟའ་ལྷག་པའི་ཉིན་བོད་དོན་ལས་འགུལ་བ་ཕོ་མོ་གཉིས་ནས་ཧར་བར་ཟམ་པའི་སྟེང་ཕྲེད་དར་འཕྱར་རྒྱུའི་འཆར་གཞི་བྱས་པའི་སྐབས་འཛིན་བཟུང་བྱས་ཡོད་ལུགས་ཉེན་རྟོག་པས་ཨེ་ཨེཕ་པི་གསར་འགྱུར་ལས་ཁང་ལ་འགྲེལ་བརྗོད་བྱས་འདུག འོན་ཀྱང་ལས་འགུལ་བ་དེ་དག་སུ་ཡིན་མིན་དམིགས་བསལ་གསལ་ཁ་བཏོན་མེད་པ་རེད། ཡང་ཁ་ས་མཚན་་མོ་བོད་ནང་དཔལ་འབར་འཁྱེར་མི་ཆོག བོད་ནང་ཞི་བདེ་དགོས་ཞེས་བརྗོད་ཚིག་འཁོད་པའི་ལེ་སར་གྱི་ཐོག་ནས་

གློག་གི་འོད་མདངས་ཅན་ཟམ་པའི་ཐོག་སྤར་བ་སོགས་ཀྱི་ལས་འགུལ་སྤེལ་ཡོད་འདུག་ལ་ཨོ་སེཊེལིཡ་བོད་དོན་རྒྱབ་སྐྱོར་ཚོགས་པའི་མགྲིན་ཚབ་པས། བོད་ནང་དཔལ་འབར་འཁྱེར་རྒྱུའི་འཆར་གཞི་དེ་ནི་རྒྱ་ནག་གཞུང་གི་དཔོན་རིགས་ཚོས་བོད་ལ་བདག་དབང་ཡོད་པའི་རྣམ་པ་

བཏོན་རྒྱུའི་ཆེད་དམིགས་པ་ཞིག་ཡིན་སྟབས། དེར་ངོ་རྒོལ་མཚོན་ཆེད་ལས་འགུལ་སྤེལ་བ་ཞིག་ཡིན་པ་ལས་

རྩེད་འགྲན་ལ་ངོ་རྒོལ་བྱེད་པ་ཞིག་མ་རེད་ཅེས་འགྲེལ་བརྗོད་གནང་འདུག ཨོ་སི་ཊེལིཡ་ནང་དཔལ་འབར་

བསྐོར་བསྐྱོད་བྱེད་པའི་སྐབས་རྒྱ་ནག་ལ་ངོ་རྒོལ་བྱེད་མཁན་དང་། དཔལ་འབར་ལ་དགའ་བསུ་ཞུ་མཁན་

རྒྱ་རིགས་ཚོའི་བར་འཁོན་འཁྲུགས་ཡོང་གཞི་དང་། ལྷག་པར་དུ་དཔལ་འབར་བསྐོར་བསྐྱོད་བྱེད་མཁན་ཚོའི་སྲུང་སྐྱོབ་ལ་ཉེན་ཁ་མི་ཡོང་བའི་ཆེད་ཉེན་རྟོག་པུ་ལིས྄་ཁྲི་ཚོ་མང་པོ་བཀོད་བསྒྲིགས་བྱེད་བཞིན་ཡོད་འདུག།