ཨབ་ག་ནི་སི་ཐན་ནང་དམག་དོན་མིན་པའི་རོགས་སྐྱོར།

• 
  2009-12-29

༄༅༎ཨ་རིས་ཨབ་ག་ནི་སི་ཐན་ནང་དམག་དོན་མིན་པའི་ལས་དོན་རོགས་སྐྱོར་གནང་རྒྱུའི་འབོད་སྐུལ་ལ་ཐའེ་ལྦན་གཞུང་གིས་བསྐྱར་ཞིབ་གནང་གི་ཡོད་པའི་སྐོར་རེས་གཟའ་མིག་དམར་ཉིན་ཐའེ་ལྦན་གྱི་དཔོན་རིགས་ནས་འགྲེལ་བརྗོད་གནང་བཞག

ཐའེ་ལྦན་ཕྱི་སྲིད་ལས་ཁང་གི་མགྲིན་ཚབ་པ་ཇེམ་སི་ཀྲང་གིས་ཐའེ་ལྦན་གཞུང་ནས་ཨབ་ག་ནི་སི་ཐན་ནང་དམག་དོན་གྱི་ལས་དོན་མིན་པའི་རོགས་སྐྱོར་སྤེལ་རྒྱུའི་ཨ་རིའི་དགོས་འདུན་ལ་བསྐྱར་ཞིབ་བྱེད་བཞིན་པའི་སྐོར་འགྲེལ་བརྗོད་གནང་བ་ལས་ཞིབ་ཕྲའི་གནས་ཚུལ་གང་ཡང་གསུང་མེད་པ་རེད་ འདས་པའི་ལོ་ངོ་ཁ་ཤས་ནང་ཨབ་ག་ནི་སི་ཐན་གྱི་འཇིགས་སྐུལ་དྲག་སྤྱོད་ཕྱོགས་ཁག་ལ་ཁ་གཏད་ཀྱི་དམག་འཐབ་ཛ་དྲག་བྱུང་ཏེ་དམག་མི་མང་པོའི་ཚེ་སྲོག་ཤོར་བཞིན་པར་བརྟེན་ནས་གནས་སྟངས་དེ་མགྱོགས་མྱུར་མཚམས་འཇོག་ཡོང་ཐབས་སུ་ཨ་རིའི་སྲིད་འཛིན་སྦ་རཀ་ཨོ་སྦ་མ་ཡིས་ཁ་སྔོན་ཨབ་ག་ནི་སི་ཐན་གྱི་ཏ་ལེ་སྦན་འཇིགས་སྐུལ་དྲག་སྤྱོད་པར་ཁ་གཏད་ཀྱི་ཨ་རིའི་དམག་དཔུང་ད་ཡོད་ཁྲི་བདུན་དང་ཆིག་སྟོང་ཡོད་བཞིན་པའི་ཐོག ད་དུང་དམག་མི་གསུམ་ཁྲི་ཁ་སྣོན་གཏོང་རྒྱུའི་ཐག་གཅོད་གནང་ཡོད་པ་དང་ཨ་རི་དང་ཐའེ་ལྦན་དབར་གྱི་གཞུང་འབྲེལ་འབྲེལ་ལམ་༡༩༧༩ལོར་ཨ་རི་གཞུང་གིས་མཚམས་འཇོག་བྱས་ནས་རྒྱ་ནག་དང་གཞུང་འབྲེལ་འབྲེལ་ལམ་བཙུགས་ཡོད་པ་དང་ཡིན་ནའི་ཨ་རིའི་གྲོས་ཚོགས་ནས་དེའི་སྐབས་ཐའེ་ལྦན་གྱི་འབྲེལ་ལམ་སྲིད་བྱུས་ཞེས་པ་ཞིག་གཏན་འབེབས་བྱས་པའི་ནང་དོན་གཞིར་ཟུང་ཨ་རིས་ད་བར་ཐའེ་ལྦན་ལ་གོ་མཚོན་སོགས་ཕྱིར་ཚོང་གིས་ཐའེ་ལྦན་གྱི་སྲུང་སྐྱོབ་ལས་དོན་ཐོག་རོགས་རམ་གནང་མུས་ཡིན་པ་བཞིན་  ད་རེས་ཐའེ་ལྦན་གྱིས་ཨབ་ག་ནི་སི་ཐན་ནང་དམག་དོན་ལས་དོན་མིན་པའི་ཞི་བའི་རོགས་སྐྱོར་ལས་དོན་སྤེལ་རྒྱུའི་ཨ་རིའི་དགོས་འདུན་ལ་ཐའེ་ལྦན་གཞུང་གིས་ཀྱང་བསྐྱར་ཞིབ་གནང་བཞིན་ཡོད་པ་རེད་༎