རྒྱ་གར་གྱིས་པ་ཀི་སི་ཐན་དང་ཞི་འགྲིགས་གནང་འདོད་ཡོད་སྐོར།

• 
  2009-06-17

༄༅༎རྒྱ་གར་གྱི་སྲིད་བློན་མཆོག་གིས་པ་ཀི་སི་ཐན་གྱི་ལྷན་ཞི་འགྲིག་གནང་འདོད་ཡོད་ལ་ཡིན་ནའི་དང་པོ་པ་ཀི་སི་ཐན་གྱི་ཕྱོགས་ནས་ཞི་བདེའི་ཁོར་ཡུག་གནོད་འཚེ་བཟོ་མཁན་གྱི་དྲག་སྤྱོད་པའི་བྱེད་ལྟེ་མི་སྣ་ཚོར་དམ་བསྒྲགས་བྱ་དགོས་པ་གྱུར་ཡོད་ཅེས་གསུངས་ཡོད་པ་རེད།

རྒྱ་གར་གྱི་སྲིད་བློན་མཆོག་ནས་ད་རེས་ར་ཤི་ཡའི་ནང་ས་ཁུལ་རྒྱལ་ཁབ་ཁག་གི་ལྷན་ཚོགས་ལ་ཚོགས་བཅར་གྱི་ཞོར་པ་ཀི་སི་ཐན་གྱི་སྲིད་འཛིན་ཨ་སིཕ་ཨ་ལི་ཛར་རྡ་རི་དང་མཇལ་འཕྲད་གནང་ཡོད་པ་དང་སྐབས་དེར་རྒྱ་གར་སྲིད་བློན་མཆོག་གིས་མངའ་ཁུལ་སྤྱི་ལ་ཞི་བདེ་དང་མཐུན་འབྲེལ་གོང་འཕེལ་གྱི་དགོངས་བཞེས་ཡོད་པ་དང་དེའི་ཐད་རྒྱ་གར་གཞུང་ལ་པ་ཀི་སི་ཐན་གྱི་ལྷན་ཞི་འགྲིག་བྱ་རྒྱུའི་འདུན་པ་ཡོད་ལ་ཡིིན་ནའི་དེར་ཕན་པར་པ་ཀི་སི་ཐན་གཞུང་གིས་ཞི་བདེར་གནོད་འཚེ་བཟོ་མཁན་གྱི་དགྲ་བོ་དེ་དག་བཀག་སྡོམ་གྱི་ཕྱག་ལེན་གནང་དགོས་ཀྱི་ཡོད་པའི་བཀའ་མོལ་གནང་རྒྱུ་བྱུང་སྐོར་དང་ཡང་པ་ཀི་སི་ཐན་གྱི་སྲིད་འཛིན་ཛར་རྡ་རི་ཡིས་རྒྱ་གར་སྲིད་བློན་མཆོག་ལ་པ་ཀི་སི་ཐན་གཞུང་གི་ལྷག་བསམ་ལ་སྐྱོན་མེད་པ་དང་ཡིན་ནའི་གཞུང་ལ་དཀའ་ངལ་མང་པོ་ཞིག་ལ་གདོང་ལེན་བྱ་དགོས་ཀྱི་ཡོད་པའི་དུས་ཚོད་ཕྲན་བུ་དགོས་ཀྱི་ཡོད་སྐོར་གསུངས་པའི་གནད་ལུགས་ངོ་སྤྲོད་གནང་བའི་སྐོར་རྒྱ་གར་སྲིད་བློན་ལྷན་རྒྱས་ཡོད་པའི་རྒྱ་གར་གྱི་པི་ཊི་ཨའེ་ཞེས་པའི་གསར་ལས་ཁང་གིས་གནས་ཚུལ་སྤེལ་ཡོད་པ་རེད། རྒྱ་གར་གཞུང་གིས་པ་ཀི་སི་ཐན་ལ་སྔར་ལོ་རྒྱ་གར་གྱི་གྲོང་ཁྱེར་མུམ་སྦའེ་ནང་དྲག་ལས་བརྒྱུད་སྐུལ་བྱེད་མཁན་གྱི་དྲག་སྤྱོད་པའི་བྱེད་ལྟེ་མི་སྣ་པ་ཀི་སི་ཐན་གྱི་ས་ཁུལ་ནང་ཡོད་པ་རྣམས་རྒྱ་གར་གཞུང་ལ་ཁྲིམས་གཅོད་ཀྱི་རྩིས་སྤྲོད་དགོས་པའམ་ཡང་ན་པ་ཀི་སི་ཐན་གཞུང་གིས་ཉེས་པ་ཚར་བཅད་དགོས་ཀྱི་ཡོད་པའི་གནོན་ཤུགས་སྤྲོད་ཀྱི་ཡོད་པ་རེད། པ་ཀི་སི་ཐན་གཞུང་གིས་གང་ཐུབ་ཞུ་ཡི་ཡོད་ལ་དྲག་སྤྱོད་པའི་དཀའ་ངལ་དེ་རྒྱ་གར་ཙམ་མིན་པར་པ་ཀི་སི་ཐན་གྱི་རྒྱལ་ཁབ་རང་ཉིད་ལའང་འཕྲད་བཞིན་པའི་དཀའ་ངལ་ཞིག་ཡིན་པ་ངོ་སྤྲོད་གནང་གི་ཡོད་པ་རེད།