ཨི་བྷོ་ལ་ནད་འབུ་ཅན་ཞིག་ཨ་རིའི་ནེའུ་ཡོག་ནང་འབྱོར་ཡོད་འདུག

• 
  2014-10-24

ཨ་རིའི་གཞུང་གིས་ཨ་ཧྥི་རི་ཀའི་ནང་འགྲོ་མྱོང་མཁན་སྨན་པ་ཞིག་ཕྱིར་ཨ་རིའི་ནེའུ་ཡོག་ལ་འབྱོར་སྐབས་ཨེ་བྷོ་ལཱ་ནད་ཡམས་འགོས་ཡོད་པ་བསྒྲགས་འདུག
དེ་ཡང་ཨ་རིའི་ནེའུ་ཡོག་གྲོང་ཁྱེར་གྱི་སྨན་པ་Craig Spencerཞེས་བ་ཉེ་ཆར་Ebolaའགོས་ནད་ཁྱབ་མདལ་འགྲོ་སའི་Guinea ཡུལ་དུ་སྨན་བཅོས་རོགས་རམ་དུ་ཕེབས་ནས་ཉིན་དྲུག་གི་གོང་ཨ་རིའི་ནང་ཕྱིར་ལོག་ཕེབས་ཡོད་པ་དང་། དེ་རིང་གཟའ་པ་སངས་ཉིན་ཁོང་ལ་དགོས་ནད་དེའི་ནད་རྟགས་ཐོན་ཡོད་པར་བརྟེན་ད་ལྟ་སྨན་པ་ཁོང་ལོགས་སུ་བཞག་ནས་སྨན་བཅོས་བརྟག་དཔྱད་བྱེད་བཞིན་པ་དང་། ཁོང་ཨ་རིའི་ནང་འགོས་ནད་དེའི་རིགས་ཕོག་མཁན་མི་གྲངས་བཞི་པ་དེ་ཆགས་ཡོད་པ་རེད། དེ་བཞིན་སྨན་པ་དེ་དང་འབྲེལ་བ་བྱུང་བའི་མི་རྣམས་འཚོལ་ཞིབ་བྱེད་བཞིན་ཡོད་འདུག གོང་ཞུས་སྨན་པ་དེ་བཞིན་ཨ་རིའི་གྲོང་ཁྱེར་ནེའུ་ཡོག་ནང་Ebolaདགོས་ནད་ཀྱི་ནད་རྟགས་ཐོན་མཁན་ཐོག་མ་དེ་ཆགས་ཡོད་པ་དང་། ནུབ་ཨ་ཧྥེ་རི་ཀའི་ཡུལ་གྲུ་ཁག་ནང་Ebolaའགོས་ནད་ཁྱབ་མདལ་བྱུང་བའི་རྗེས་ད་བར་ཉུང་ཐར་མི་གྲངས་༤༩༠༠ལྷག་རྐྱེན་འདས་སུ་ཕྱིན་ཡོད་པ་མ་ཟད་། འགོས་ནད་དེ་ཕྱི་རྒྱལ་ཡུལ་གྲུ་ཁག་ནང་ཁྱབ་འདལ་ཡོང་རྒྱུར་རྒྱལ་ཁབ་སོ་སོས་སྔོན་འགོག་ལས་དོན་རྒྱ་ཆེར་སྤེལ་བཞིན་ཡོད་ཅིང་། ཨ་རིའི་ནང་འགོས་ནད་དེ་མཐོན་པ་ནས་ད་བར་མི་གྲངས་བཞི་ལ་འགོས་ནད་དེའི་ནད་རྟགས་ཐོན་ནས་ནད་རྟགས་ཐོག་མ་ཐོན་མཁན་ལི་བི་རི་ཡའི་མི་སེར་Thomas Eric Duncan ཕྱི་ཟླ་བཅུ་པའི་ཚེས་༨ཉིན་ཨ་རིའི་Texasམངའ་སྡེའི་སྨན་ཁང་ཞིག་ཏུ་འདས་གྲོངས་སུ་ཕྱིན་ཡོད་པ་རེད། ད་རེས་འགོས་ནད་དེའི་ནད་རྟགས་ཐོན་པའི་ནིའུ་ཡོག་གྲོང་ཁྱེར་གྱི་སྨན་པ་Spencerད་ལོ་རང་ལོ་༣༣ཡིན་པ་དང་། ཁོང་གིས་རྒྱལ་མཚམས་མེད་པའི་སྨན་པའི་མཐུན་ཚོགས་ནས་ཕྱག་ལས་གནང་མྱོང་ཡོད་ཅིང་། ད་ལྟའི་ཆར་ཁོང་དང་ཐད་ཀར་འབྲེལ་བ་བྱུང་བའི་མི་གསུམ་ཤེས་རྟོགས་ཐུབ་ཡོད་འདུག

གསར་འགོད་པ་འཆི་མེད།