མི་ལོ་༢༥འཁོར་བའི་དུས་དྲན།

• 
  2013-01-02

༄༅། ། བལ་ཡུལ་གནས་ཆེན་འཕགས་པ་ཤིང་ཀུན་གྱི་ཉེ་འགྲམ་དུ་གནས་ཆགས་པའི་གཡུང་དྲུང་བོན་གྱི་གདན་ས་ཆེན་མོ་དཔལ་ལྡན་ཁྲི་བརྟན་ནོར་བུ་རྩེ་དབུ་བརྙེས་ནས་མི་ལོ་ཉེར་ལྔ་འཁོར་བའི་དུས་དྲན་མཛད་སྒོ་དང་སྟབས་བསྟུན་རྒྱལ་སྤྱིའི་བོན་གྱི་བགྲོ་གླེང་ཚོགས་འདུ་ཐེངས་གསུམ་པ་དང་། སྨན་སྒྲུབ་འོད་ཟེར་འཁྱིལ་བའི་སྒྲུབ་ཆེན་ཐེངས་གཉིས་པ། སྐབས་བདུན་པའི་དགེ་བཤེས་མཛད་སྒོ་བཅས་ཕྱི་ལོ་ ༢༠༡༢ ཟླ་ ༡༢ ཚེས་ ༩ ནས་ ༢༠༡༣ ཟླ་ ༡ ཚེས་ ༢ བར་ཚོགས་གནང་ཡོད་པ་རེད།
མཛད་སྒོའི་རིང་བལ་ཡུལ་གཞུང་གི་བློན་ཆེན་དང་བློན་ཟུར། གཡུང་དྲུང་བོན་གྱི་སྤྱི་འཐུས་རྣམ་གཉིས། ཆོས་རིག་སྐུ་ཚབ་བལ་ཡུལ་བོད་མིའི་འབྲེལ་མཐུད་པ་སོགས་ཆོས་སྲིད་གཉིས་དང་འབྲེལ་བའི་སྐུ་མགྲོན་རྣམས་དང་། འཛམ་གླིང་རྒྱལ་ཁབ་སུམ་ཅུ་ལྷག་ནས་སེར་སྐྱ་མང་ཚོགས་སྟོང་ཕྲག་གཉིས་ཙམ་བཅས་རིམ་བཞིན་འདུ་འཛོམས་བྱུང་བ་རྣམས་ལ་༸སྐྱབས་རྗེ་ཡོངས་འཛིན་སྨྲ་བའི་དབང་པོ་མཆོག་གིས་སྐབས་བསྟུན་གསུང་བཤད་གནང་ཡོད།