གསར་འགོད་པའི་ས་མིག་གསལ་བསྒྲགས།

• 
  2015-02-22

ཨ་མི་རི་ཀའི་རྒྱལ་ས་ཝ་ཤིན་ཊོན་ནང་རྟེན་གཞི་བྱེད་པའི་ཨེ་ཤེ་ཡ་རང་དབང་རླུང་འཕྲིན་ཁང་ལ་ཀེནེཌའི་གྲོང་ཁྱེར་Torontoཁུལ་ནས་བོད་སྐད་ཐོག་ལ་གནས་ཚུལ་མཁོ་གཏོང་གནང་མཁན་གསར་འགོད་པ་གཅིག་དགོས་པའི་ས་མིག་གསལ་བསྒྲགས།

དགོས་ངེས་ཆ་རྐྱེན།
༡༽ བོད་སྐད་ལ་བྱང་ཆ་ཡོད་པའི་ཐོག་བོད་ཡིག་གི་ཤེས་ཚད་མཐོ་སློབ་ཐོན་པའམ་ཡང་ན་མཐོ་སློབ་གྱི་ཤེས་ཚད་ཡོད་པ་ཁུངས་ལྡན་ར་སྤྲོད་ཐུབ་པ།
༢༽ དབྱིན་ཡིག་དང༌། དབྱིན་སྐད་། ཡང་ན་རྒྱ་ཡིག་དང་། རྒྱ་དཀར་ནག་གི་སྐད་ཀྱི་ཤེས་ཚད་རང་རྐྱ་འཕེར་ངེས་ཡོད་པ།
༣༽ བོད་ཕྱི་ནང་དང༌། རྒྱ་ནག རྒྱལ་སྤྱིའི་གནས་སྟངས་སོགས་ལ་ཤེས་ཚད་གང་ལེགས་ཡོད་པ།
༤༽ དྲང་བདེན་དང་།  ཕྱོགས་ལྷུངས་མེད་པར་ཁྱོན་ཡོངས་ཀྱི་གནས་ཚུལ་མཁོ་སྒྲུབ་བྱེད་ཐུབ་པ།
༥༽ སྲིད་གཞུང་དང༌། ཆབ་སྲིད་ཀྱི་ཚོགས་པ། ཆོས་ལུགས་སྡེ་ཁག་གང་རུང་དང་མ་འབྲེལ་བར་གསར་འགོད་པའི་ངོ་བོར་གནས་ཐུབ་པ།
༦༽ རང་ཉིད་གནས་ཡུལ་རྒྱལ་ཁབ་ནང་གི་གསར་འགོད་པའི་སྒྲིག་གཞི་ཤེས་རྟོགས་ཡོད་པ།

ལས་འགན།
ཀེནེཌ་Canadaརྒྱལ་ཡོངས་དང་། དམིགས་བཀར་Toronto་ཁུལ་དུ་བྱུང་བའི་བོད་དོན་དང་འབྲེལ་བའི་གནས་ཚུལ་རྩད་ཞིབ་བྱས་ཅིང་། ཁུངས་ལྡན་ཡིན་པ། རང་བཞིན་ཅན་གྱི་སྒྲ་དང་རྩད་ཞིབ་བཅར་འདྲི་བྱས་པའི་སྒྲ པར་དང་བརྙན་རིས་སོགས་དུས་ཐོག་ཏུ་གཏོང་ཐུབ་དགོས།
གཞུང་དང་། སྒྲིག་འཛུགས་ཁག་གིས་སྤེལ་བའི་དྲིལ་བསྒྲགས་དེ་འདྲ་ཁོ་ནའི་གནས་ཚུལ་མཁོ་སྒྲུབ་བྱས་པ་མིན་པར་མཐོང་རྒྱ་དང་ཐོས་རྒྱ་ལྡན་པའི་ངང་ས་གནས་སོ་སོ་ནས་གནས་ཚུལ་སྣ་ཚོགས་མཁོ་སྒྲུབ་ཐུབ་པ་བཅས་ཡིན་དགོས།

ལས་ཡུན།
ལོ་གཅིག་རིང་ཡིན་ཞིང་ལོ་ལྟར་ཕྱི་ཟླ་དགུ་པའི་མཇུག་ཏུ་གན་རྒྱ་བསྐྱར་གསོ་བྱ་རྒྱུ།
གོང་གསལ་གྱི་གསར་འགོད་པའི་ལས་ཀ་འདི་བཞིན་ཨེ་ཤེ་ཡ་རང་དབང་རླུང་འཕྲིན་ཁང་གི་ལས་བྱེད་ངོ་མ་མིན། ལོ་ལྟར་གན་རྒྱའི་འོག་ལས་ཀ་བྱེད་དགོས།
གོང་གསལ་ས་མིག་ཐོག་ལས་ཀ་བྱེད་འདོད་ཡོད་ཚེ། གཤམ་གསལ་ཁ་བྱང་ཐོག་སློབ་ཐོན་ལག་འཁྱེར་དང་། དོ་བདག་གི་ལོ་རྒྱུས། གསར་འགོད་པའི་ལས་ཀ་བྱེད་འདོད་ཡོད་པའི་རྒྱུ་མཚན་དང་། དམིགས་ཡུལ་མདོར་བསྡུས་བཅས་ཕྱི་ལོ་༢༠༡༥ ཕྱི་ཟླ ༣ ཚེས ༢༠འགྱངས་མེད་གློག་འཕྲིན་ཁ་བྱང་Email:chhonzomd@rfa.org  
བརྒྱུད་ནས་ངེས་འབུལ་ཡོང་བ་དགོངས་འཇགས་ཞུ།