ລາວຈະພັທນາເຖີງຂັ້ນ ອຸດສາຫະກັມ

• ຫວາດ ສີມູນ
  2011-03-31

ທາງກາຣລາວວ່າ ຫລາຍແຂວງ ໃນລາວມີກາຣປ່ຽນ ແຜນກາຣພັທນາ ຈາກກະສິກັມ ໄປເປັນ ອຸຕສາຫະກັມ ໂດຽໃຫ້ມີກາຣລົງທຶນ ຈາກຕ່າງປະເທສ ໃຫ້ຫລາຍກວ່າເກົ່າ ພ້ອມກັບໃຫ້ມີ ກາຣພັທນາເຂຕ ອຸຕສາຫະກັມ ກາຣຄ້າ ເຂຕເສຖກິຈພິເສດ ຊຶ່ງກໍເປັນກາຣ ປະຕິບັຕ ຕາມມະຕິ ຂອງປະຊຸມຫລວງ ຂອງພັກ. ດັ່ງເຈົ້າໜ້າທີ່ ກ່ຽວຂ້ອງ ໄດ້ກ່າວວ່າ:

“ຂ້າພະເຈົ້າ ກໍໄດ້ຜັນຂຍາຍ ບັນດາມະຕິ ຕ່າງໆຂອງພັກ ນັບແຕ່ມະຕິ ກອງປະຊຸມໃຫຍ່ ທຸກມື້ຂ້າພະເຈົ້າ ກໍໄດ້ນຳພາ ຊີ້ນຳກ່ຽວກັບ ວຽກງານຕ່າງໆ ໂດຽສະເພາະ ຂົງເຂຕພັທນາ 4 ເນື້ອໃນ 4 ຄາດໝາຍຕົ້ນຕໍ ໃນນັ້ນ ຂ້າພະເຈົ້າ ກໍໄດ້ຫັນໄປສູ່ ຈາກກະສິກັມ ໄປສູ່ ອຸຕສາຫະກັມ ໃນອະນາຄົຕ ໃນກາຣພັທນາ”.

ພ້ອມດຽວກັນນີ້ ທ່ານກໍວ່າ ທາງເຈົ້າໜ້າທີ່ ກ່ຽວຂ້ອງ ໃນແຕ່ລະແຂວງ ທົ່ວປະເທສ ກໍໄດ້ຮັບເອົາ ນະໂຍບາຍ ທີ່ທາງກອງປະຊຸມພັກ ມີມະຕິອອກມາ ໂດຽມີກາຣເນັ້ນໃສ່ ໃນເຂຕບ້ານ ທີ່ທຸກຂ໌ຍາກ ທີ່ຢູ່ຫ່າງໄກ ສອກຫລີກ ເພື່ອໃຫ້ມີນັກລົງທຶນ ຈາກຕ່າງປະເທສ ໄປລົງທຶນດ້ານ ອຸຕສາຫະກັມ ແລະ ກະສິກັມ ໂດຽໃຫ້ ປະຊາຊົນ ມີສ່ວນຮ່ວມນຳ.

ໃນຂນະດຽວກັນ ກໍຄວນໃຫ້ມີ ເຈົ້າໜ້າທີ່ໄປ ໃຫ້ກາຣອະທິບາຍ ກ່ຽວກັບ ໂຄງກາຣພັທນາຕ່າງໆ ເພື່ອໃຫ້ ປະຊາຊົນ ໄດ້ຮູ້ ແລະເຂົ້າໃຈ ແລະໃຫ້ຄວາມຮ່ວມມື ໃນດ້ານກາຣ ໃຫ້ສັມປະທານ ຕ່າງໆນຳດ້ວຍ.